Մենք ստեղծում ենք անվտանգային մի համակարգ, որի առաջին գծում բանակը չէ. Նիկոլ Փաշինյան
Մենք ստեղծում ենք անվտանգային մի համակարգ, որի առաջին գծում բանակը չէ: Այս մասին ԱԺ-ում հայտարարել է Նիկոլ Փաշինյանը:
«Բանակից առաջ կան բուֆեռներ, դրանցից են օրինակ տնտեսական փոխկախվածությունները, որից առաջ կա ուրիշ բուֆեռ՝ միջազգային կանոնները, որի ոտնահարումներից բողոքում են բոլորը: Բայց, եթե բոլորն ամենուր բողոքում են դրա ոտնահարումներից, նշանակում է այդ կանոններին հավատարիմ լինելը դրական գործելակերպ է, և այդ գործելակերպը ձևավորում է ևս մեկ բուֆեռ: Այս պայմաններում է, որ ուժեղ բանակ ունենալու օրակարգը կարող է լինել լեգիտիմ, արդարացված և ապահովել անվտանգությունը»,- ասել է նա: Փաշինյանն անդրադարձել է նաև արտագաղթի թեմային և դրա պատճառներին:
«Արտագաղթի համար մենք բերում ենք տարբեր պատճառներ սկսած՝ սոցիալական, իրավական անարդարություններից մինչև բիզնես միջավայր և այլն: Այս բոլոր պատճառները, լինելով ճշմարիտ, պատճառների մաքսիմում 10-15 տոկսն են: Եկեք խոստովանենք, որ արտագաղթի պատճառները 90 տոկոսով կապված են մեր վարած տարածաշրջանային քաղաքականության հետ, արտագաղթի հիմնական պատճառը մեր կոնֆլիկտային հարաբերություններն են մեր միջավայրի հետ»,- ասել է Նիկոլ Փաշինյանը:
Հետևեք մեզ Facebook-ում