«Ակադեմիական քաղաքի»-ի աշխատանքները կարող են տևել 20 կամ 30 տարի, բայց առաջին շենքը կկառուցվի մինչև 2029-ը

Ակադեմիական քաղաքի իրագործումն ամբողջությամբ ավարտելու համար ժամանակ կպահանջվի, այն կարող է տևել 20 կամ 30 տարի՝ կախված նրանից, թե ինչ ենք հասկանում «ավարտ» ասելով.  ինչպես հաղորդում է Aysor.am-ը, լրագրողների հետ զրույցում ասել է ակադեմիական քաղաքի գլխավոր հատակագիծը մշակած gmp International GmbH Architects and Engineers ընկերության փոխտնօրեն Թոբիաս Քեյլը։

«Վերջնական հատակագծի հաստատումը սպասվում է մինչև տարեվերջ, իսկ առաջին շենքը կավարտվի մինչև 2029 թվականը։ Մինչև 2029 թվականը բուհերի տեղափոխում Ակադեմգորոդոկ չի լինի։ Վերջին հաշվարկներով մեկ քառակուսի մետրը կարժենա 1 մլն-ից 1,5 մլն դրամ։ Սրանք մոտավոր թվեր են։ Շենքերի մակերեսը կկազմի 1,5 մլն քմ»,- նշել է նա։

Ըստ Թոբիաս Քեյլի՝ նախագիծը կարող է արժենալ 2,2 տրլն. դրամ, այսինքն՝ ավելի քան 5,7 մլրդ դոլար։

 Ընկերության փոխտնօրենը ծրագրերը դրական փոփոխություն է համարել երկրի համար. «Սա ենթադրում է համապատասխան կրթական միջավայրի, սարքավորումների և այլ լայն հնարավորությունների ստեղծում։ Այն ոչ միայն կենտրոն կլինի գիտնականների և գիտնականների համար, այլև լայն հանրության համար: Կլինեն ոչ միայն կրթական կենտրոններ, այլև ռեստորաններ, առևտրի կենտրոններ և հասարակական այլ օբյեկտներ»։
--
Մեր կողմից նկատենք, ինչպես ժողովրդական խոսքն է նշում՝ 20-30 տարի անց կա՛մ էշը կսատկի, կա՛մ իշատերը կմեռնի: Պարզ ասած՝ «Ակադեմիական քաղաք», այն էլ 5-6 միլիարդ դոլարով կկառուցվի՞, թե՞ ոչ, անհայտ է: Փոխարենը՝ բուհ-ական համակարգը «կբոմժացվի», Փաշինյանի համար ամենից կարևորը՝ ոչ ոք արդեն չի լինի, որ այդ ամենի համար պատասխան տա: