Ամերիկյան խոշորագույն ընկերությունների ղեկավարները բողոքել են Թրամփի հրամանագրի դեմ

Ամերիկյան մի շարք խոշորագույն ընկերությունների ղեկավարները միացել են փախստականների մասին ԱՄՆ նախագահ Դոնալդ Թրամփի հրամանագրի քննադատությանը։

«Apple-ը չէր կարող նույնիսկ գոյատևել առանց իմմիգրանտրեի, այլ ոչ թե ծաղկել ու զարգանալ, ինպես այժմ», - ասել է կորպորացիայի ղեկավար Թիմ Կուկը։

Նա նշել է, որ Թրամփի նոր հրամանագիրը անմիջապես ազդել ընկերության աշխատակիցների վրա և ընկերությունը կանի հնարավոր ամենինչ նրանց օգնելու համար։ Կուկը տեղեկացրել է, որ ընկերությունն արդեն իսկ դիմել է Սպիտակ տանը և փորձել բացատրել՝ ինչ բացասական հետևանքների կարող է բերել այդ հրամանագիրը։

«Uber» ընկերության Թրևիս Կալանիկը նույնպես իր անհանգստությունն է հայտնել՝ կապված Թրամփի վարած քաղաքականության հետ և հայտնել, որ իր աշխատողները նույնպես հարվածի տակ են հայտնվել։

Քննադատությանը միացել են նաև «Netflix» ընկերության ղեկավար Ռիդ Հեյստինգսը և «Twiiter»-ի ղեկավար Ջեք Դորսին, որոնք հայտարարել են, որ իրենց ընկերություններն ավելի հաջողակ են դարձել իմմիգրանտների շնորհիվ։ Դորսին նշել է, որ հրամանագիրն անմարդկային է և վնասում է տնտեսությանը։

Ավելի վաղ Ֆեյսբուք սոցիալական ցանցի հիմնադիր Մարկ Ցուկերբերգը հայտարարել էր, որ ԱՄՆ-ը իմմիգրանտների ազգ է և որ պետք հպարտանալ դրանով։

Հիշեցնենք, որ նախագահի հրամանագիրը 120 օրով կասեցնում է փախստականների ընդունումը, իսկ սիրիացի փախստականների մուտքն արգելվում է անորոշ ժամանակով։ Բացի այդ խստացվում է մուտքը երկիր, իսկ որոշ մահմեդական երկրներից մուտքն արգելվում է 90 օրով։ ԶԼՄ-ները հայտնում են, որ խոսքը Իրաքի, Իրանի, Սիրիայի, Սուդանի, Յեմենի, Լիբիայի և Սոմալիի մասին է։

Zham.am