Թուրքիայում Եգիպտոսի գործերով ժամանակավոր հավատարմատարին կանչել են ԱԳՆ և բողոք հայտնել
Թուրքիայի պետական «Anadolu» լրատվական գործակալության Կահիրեի գրասենյակի աշխատակիցների ձերբակալության կապակցությամբ Թուրքիայում Եգիպտոսի գործերով ժամանակավոր հավատարմատար Քեմալեթթին Էրույգուրին կանչել են արտգործնախարարություն:
Նշենք, որ հունվարի 15-ի երեկոյան Եգիպտոսի ոստիկանները մտել են «Anadolu» լրատվական գործակալության Կահիրեի գրասենյակ և բերման ենթարկել 4 աշխատակցի, որոնցից մեկը եղել է Թուրքիայի քաղաքացի:
Ավելի վաղ Թուրքիայի արտգործնախարարության պաշտոնական կայքում հրապարակվել էր հայտարարությունը, որով Թուրքիան Եգիպտոսի ուժայինների այդ քայլը որակել էր թուրքական մամուլի դեմ ուղղված «ոտնձգություն և ահաբեկում»: Թուրքիայի ԱԳՆ-ն պահանջել անհապաղ ազատ արձակել «Anadolu»-ի աշխատակիցներին:
Հիշեցնենք, որ 2013թ. ի վեր Թուրքիայի և Եգիպտոսի միջև դիվանագիտական հարաբերությունները շարունակվում են գործերի ժամանակավոր հավատարմատարի մակարդակով: