Գագիկ Ծառուկյանը և Արմեն Սարգսյանը առանձին հանդիպել են, քննարկել մի շարք հարցեր
Տեղի է ունեցել ՀՀԿ-ի կողմից նախագահի թեկնածու առաջադրված Արմեն Սարգսյանի և «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանի առանձին հանդիպումը:
Այս մասին Tert.am-ի հետ զրույցում ասաց ԱԺ «Ծառուկյան» խմբակցության պատգամավոր, Գագիկ Ծառուկյանի մամուլի խոսնակ Իվետա Տոնոյանը:
«Արմեն Սարգսյանը և Գագիկ Ծառուկյանն առանձին հանդիպել են, քննարկել են մի շարք հարցեր, բայց բովանդակային մասին չեմ կարող անդրադառնալ»,- ասաց նա:
Հարցին, թե «Ծառուկյան» խմբակցությունում այս հանդիպումից հետո հստակեցվել է նախագահի թեկնածուի նկատմամբ դիրքորոշումը, Տոնոյանը պատասխանեց.
«Գագիկ Ծառուկյանը ևս մեկ անգամ պետք է հանդիպի խմբակցության պատգամավորների հետ, այնուհետև կկայացվի որոշում»:
Մանրամասները՝ Tert.am-ում: