Կառավարությունից տեղեկացրին, որ ինձ այլևս չեն հրավիրում կառավարության նիստերին․ ՄԻՊ

Հիշեցնենք, որ Հայաստանի ՄԻՊ-ը ունի «A» կարգավիճակ, մինչդեռ Ադրբեջանը ունի «B» կարգավիճակ, ինչը Հայաստանի ՄԻՊ-ին միջազգային կառույցներում առավելություն է տալիս Ադրբեջանի ՄԻՊ-ի նկատմամբ։ Թաթոյանի խոսքով՝ դրա մասին են վկայում նաև «Ֆրիդոմ Հաուս»-ի մտահոգությունը՝ կապված այս նախաձեռնության վերաբերյալ։ 

«Սա մեր կառույցի էությունը ճիշտ չգիտակցելու արդյունք է, իմ եզրահանգումն այն էր, որ պարազապես ցանակնում են տեխնիկական լուծումներ տան։ Սա ինչ-որ վարչություն է գործադիր իշխանության համակարգում»,- ասաց Թաթոյանը։

Նա նշեց, որ եթե հանկարծ նախագիծը ընդունվի, ինքը դիմելու է Սահմանադրական դատարան և ամեն ինչ անելու է ՄԻՊ ինստիտուտը պաշտպանելու համար․

 Ես այս նախագիծը համարում եմ խտրական, որը հանգեցնելու է ՄԻՊ անկախության վերացնելուն, և եթե ՄԻՊ-ը այնպես աշխատեց, որ դա դուր չգա քաղաքական իշխանություններին, հաջորդ տարին կարող են ֆինանսավորումը կրճատել։ ԵՍ կառավարության գործընկերներին բաց ասել եմ, որ եթե այս նախագիծը ընդունվի, ես դիմելում եմ ՍԴ և ամեն ինչ անելու եմ ՄԻՊ ինստիտուտը պաշտպանելու համար։ Նախկինում երբևէ չի եղել դեպք, երբ կառավարությանը քննադատելու համար բարձրացնեն ֆինանսավորման հարց»։

Նշենք, որ Հայաստանի իշխանությունները մտադիր են Մարդու իրավունքների պաշտպանին զրկել ֆինանսական անկախության սահմանադրական երաշխիքից: Այդպիսի անկախությունը նախատեսված է «Օմբուդսմենի մասին» սահմանադրական օրենքով, որի համաձայն օմբուդսմենի եւ նրա աշխատակազմի ֆինանսավորման համար պետական ​​բյուջեով նախատեսված տարեկան հատկացումները չեն կարող պակաս լինել նախորդ տարվա պետական ​​բյուջեով նախատեսված հատկացումներից:

Zham.am