Չի կարելի 10-15 տարի խոսել, որ հիմա էլեկտրաէներգիայի ու գազի սակագների իջեցման մասին խոսելու ժամանակը չէ, իսկակական ժամանակն է. Մ. Մելքումյան

Չի կարելի 10-15 տարի խոսել, որ հիմա էլեկտրաէներգիայի ու գազի սակագների իջեցման մասին խոսելու ժամանակը չէ, հակառակը, հիմա իսկակական ժամանակն է: Այս մասին հայտարարեց Ծառուկյան դաշինիք» խմբակցության անդամ Միքայել Մելքումյանը՝ գազի և էլեկտրաէներգիայի մատակարարման և բախշման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը քննող հանձնաժողովի անդրանիկ նիստում: Հաղորդում է Tert.am-ը:

Հիշեցնենք, որ օրենքի ուժով «Ծառուկյան դաշինիք» խմբակցության նախաձեռնությամբ ստեղծվել է ՀՀ գազի և էլեկտրաէներգիայի մատակարարման և բախշման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը քննող հանձնաժողով, որի առաջին նիստը մեկնարկեց այսօր: Իսկ հանձնաժողովի ուսումնասիրության առարկան գազի սակագներն են. արդյոք հոսանքի ու գազի սակագների իջեցման հնարավորություն կա:

Նիստը վարող «Ծառուկյան» խմբակցության պատգամավոր Միքայել Մելքումյանը, ով ընտրվեց հանձնաժողովի նախագահ, խոստացավ, որ հատ-հատ անցնելու են այդ շթղայի բոլոր օղակներով՝ սահմանից մինչև վերջնական սպառող: Կտեսնեն՝ ինպիսին է պատկերը տեխնոլոգիական կորուստների մասով:

«Կորուստները՝ 5.37 հաշվվել էր բուհերից մեկի մի ամբոնի կողմից՝ 2002-ին, և 16 տարի կորսուստների մակարդակը նույնն է մնացել, և հարց է առաջանում՝ այդքան տարի փաստորեն ներդրումներ չե՞ն արվել կորուստների չափը նվազեցնելու համար», - հայտարարեց Միքայել Մելքումյանը:

Նա նաև հարցնում է՝ «ո՞վ է որոշում, որ Գազպրոմի շահութաբերությունը պետք է լինի 10, իսկ ՀԷՑ-ինը՝ 14 տոկոս»:

Հիշեցնենք, որ 4-5 տարի առաջ ԱԺ-ում գործում էր «Գազային» հանձնաժողով, որի եզրակացությունում գրված շատ-շատ նախադասություններ, նիստը վարող Միքայել Մելքումյանի արձանագրմամբ, մնացին թղթի վրա:

«Հանրապետական» խմբակցության պատգամավոր Խոսրով Հարությունյանը, նշեց, որ մասամբ կիսում է հարցադրումները և տնտեսական հանձնաժողովում քննարկել են հանրային ծառայությունների 2019 թվականի ծրագիրը: «Սակագնի հիմնավորվածության քննելու առումով հետաքրքիր է ամբողջ ծախսերի շարքը քննել»,-ասաց նա և նշեց, որ որքանով ինքը հետազոտություններ է իրականացրել, ապա կարող է ասել` ամեն ինչ էլեմենտար գողության մեջ է: «Մարդիկ գնումների ժամանակ գնում են որևէ առարկա, որի իրական շուկայական արժեքը 100 դրամ է, ձևակերպում են 150 դրամով, այսինքն մարդիկ լկտիաբար մտնում են քաղաքացու տուն, քաղաքացու բնակարան և այնտեղից գողանում են փող»,-ասաց նա և նշեց, որ կարոող են ուսումնասիրել, թե մինչև էլեկտրացանցերը սեփականցնելը որ կազմակերպություններն էին, որոնք մատակարարում էին ապրանքներ և թե հիմա ինչ փոփոխություններ են եղել:

«Միայն այդ հաշվարկով գնումների շուկան ուսումնասիրելով կգանք եզրաակցության, որ միայն այդ կտրվածքով սակագինը իջեցնել տասից մինչև 15 տոկոս»,-ասաց նա:

«Ծառուկյան» դաշինք խմբակցության անդամ Վարդևան Գրիգորյանը առաջարկեց ուսումնասիրել այն հարցերի շրջանակը, որոնք հենց կապ ունեն սակագնի հետ:

Նա նշեց, որ իր կարծիքով կառավարության կողմից էլ հանձնարական է եղել մասնագիտական խմբին ուսումնասիրել սակագների հարցը և նախնական երզակացությամբ` մինչև տասը տոկոսի չափով հնարավորություն կա սակագներն իջեցնելու: «Իմ կարծիքով կարելի է հրավիրել այդ ընկերներին, և քանի որ ժամանակը շատ սեղմ է, որոշակի որոշում կայացնել», - ասաց նա:

ՀՅԴ խմբակցությունից Ռոմիկ Մանուկյանը նշեց, որ շեշտը պետք է դրվի խտության, կալորիականության և կորուստների վրա: «Պետք է ներկայացնել առաջարկություն հիմնական սակագների քաղաքականության հարցում, ոչ թե սոցիալապես անապահով ընտանիքին նվերներ մատուցենք, այլ հստակ քաղաքականություն ունենանք, չլինի ունևորի և չունևորի քաղաքականություն»,-ասաց նա:

Մանրամասները՝ Tert.am-ում