«Հայ-թուրքական կռիվը շարունակվում է, պարզապես մեզ համար ավելի բարդ ու վտանգավոր հանգրվանով». Էդգար Էլբակյան

Քաղաքագետ Էդգար Էլբակյանը ֆեյսբուքյան իր էջում գրել է. «ԹՈՒՐՔԱԿԱՆ ԹՐՈԼԻՆԳ ԵՎ ՀԱՅԿԱԿԱՆ ՌԵԿՈՆԿԻՍՏԱ

Թուրք պատմաբանները թրոլինգի լավ ձև ունեն, ասում են՝ երբ մենք սկսեցինք կազմակերպված ներթափանցել լեռնաշխարհ, ձեր հավատակից բյուզանդացիներն արդեն զրկել էին ձեզ պետականությունից, մեզնից ի՞նչ եք ուզում։

Սպասելի է, որ հիմա էլ ադրբեջանցիները կսկսեն մեր ներքին դաշտ նետել թեզեր, որ վերջին պարտության մեղավորը դաշնակից ՌԴ-ն է, և իրենց մեղադրելու իրավունք չունենք, իրենք ընդամենն «իրենց հողերն էին ազատագրում»։

Իսկ առհասարակ, այո՛, 1071-ին Մանազկերտի ճակատամարտից հետո Հայկական լեռնաշխարհի համար սկսված հայ-թուրքական կռիվը շարունակվում է, պարզապես մեզ համար ավելի բարդ ու վտանգավոր հանգրվանով։

Չնայած վերջնական պարտության ահռելի մեծ սպառնալիքին՝ ես հավատում եմ, որ ուղիղ 300 տարի առաջ Սյունիքում Դավիթ Բեկի սկսած մաքրագործումն ավարտվելու է հայոց հաղթանակով, երբ էլ որ դա լինի։ Ժամանակակից Իսպանիայի և Պորտուգալիայի ազատագրումը մուսուլման արաբներից (ռեկոնկիստա) տևել է 770 տարի…»: