Լուկաշենկոն այսօր փաստացի բացահայտեց թե ինչու է Պուտինը Փաշինյանին կանչել իր մոտ

Այսօր Բելառուսի նախագահ Ալեքսանդր Լուկաշենկոն ստորագրել է ՀԱՊԿ Հավաքական անվտանգության խորհրդի որոշման նախագիծ՝ Բելառուսի Անվտանգության խորհրդի քարտուղար Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին, հայտնում է «Belta» գործակալությունը:

«Բելառուսի Անվտանգության խորհրդի քարտուղարն արդեն այցելել է Ղրղզստան, Ղազախստան, Տաջիկստան և Ռուսաստան: Այդ երկրների ղեկավարները հավանություն են տվել բելառուսական կողմի թեկնածությանը: Ալեքսանդր Լուկաշենկոն պաշտոնապես աջակցում է Ստանիսլավ Զասի նշանակմանը` ստորագրելով ՀԱՊԿ Հավաքական անվտանգության խորհրդի որոշման նախագիծը», — ասված է հաղորդագրության մեջ:
Փաստորեն ստացվում է, որ հայկական կողմի բոլոր ջանքերը՝ Բաքվի ռազմական ուսումնարանն ավարտած թեկնածուին վիժեցնելու հարցում ապարդյուն անցան, և Փաշինյանը կանգնելու է երկընտրանքի առջև, կամ համաձայնվել Բելառուսի թեկնածությանը, կամ էլ՝ հակադրվել արդեն  ՀԱՊԿ անդամ բոլոր երկրների հետ: Նրա բոլոր ջանքերը՝ «ադապտացնել» ՀԱՊԿ-ի անդամ երկներին, կամ գոնե Ռուսաստանին, իր ցանկության հետ ապարդյուն էին: Եվ ահա «հպարտ» քաղաքացիները ստիպված պիտի լինեն համակերպվել Հայաստանի նվաստացման հետ: 

Նաև հենց դրա համար է Պուտինը կանչել Փաշինյանին իր մոտ՝ ՀԱՊԿ-ում այս անորոշ իրավիճակը լուծելու համար: Ընդ որում, այսօր արդեն պարզ է, որ Փաշինյանն ըստ էության այլընտրանք չունի, նա պետք է համաձայնվի Զասի թեկնածությանը:
Հակառակ դեպքում կստացվի, որ Փաշինյանն իր համառության պատճառով կարող է լուրջ ճգնաժամ առաջացնել ՀԱՊԿ-ում:

Անկախ ամեն ինչից, Փաշինյանի այս պարտությունը մեծ հարված կլինի նաև Հայաստանի հեղինակությանը, և առաջին անգամ հանրության «հպարտ» մասը կտեսնի, որ իր կուռքի «դուխը» դրսում չի անցնում:

Բայց Հայաստանը կարող է միայն իմիջային կորուստներ չկրել:

Առաջին անգամ ՀԱՊԿ-ի գլխավոր քարտուղար է դառնում մի գործիչ, ով լավ գիտի, որ իր դեմ է եղել Հայաստանը:

Միգուցե հանգիստ պայմաններում այս հանգամանքը կարող է վտանգավոր չլինել, սակայն ֆորս-մաժորային պայմաններում դա կարող է իր դերը խաղալ:

Սա է իրականությունը:

Արտակ Հակոբյան