Կանադայում ՀՀ դեսպանը վիրավորել և հեգնել է իր ներկայացրած իշխանության դեմ ցույց անող երիտասարդներին

Կանադայում «Հայաստան» հիմնադրամի կողմից արցախցիների համար կազմակերպված դրամահավաքից առաջ: ՀՅԴ-ական երիտասարդները Կանադայում Հայաստանի դեսպան Անահիտ Հարությունյանին փորձել են թույլ չտալ մասնակցել դրամահավաք-ճաշկերույթին: Ինչպես հաղորդում է Tert.am-ը դեսպան Անահիտ Հարությունյանը ասել է. «Ցավում եմ, որ ձեր ամբողջ հայրենասիրությունն ուղղվում է սխալ նպատակներով, ցավում եմ, որ մեր երիտասարդությունն այս մտայնությանն է։
Ապա Նիկւոլ Փանշինյանի իշխանությունը ներկայացնող դեսպանն սկսել է հանդիմանել ցուցարարներին, «Եթե այդքան ուժ ու եռանդ ունեք, միայն ուրախ կլինենք, որ դառնաք ՀՀ քաղաքացիներ, համալրեք մեր Հայաստանի բանակի շարքերը և պաշտպանեք...
...Դուք Հայաստանի Հանրապետությունից եք փախչում։ Այնքան հեշտ է լինել Կանադայում և թույլ չտալ, որ ՀՀ դեսպանը ներս մտնի։ Գնացեք Հայաստան, դարձեք մեր մի մասնիկը, քվեարկեք, և թող լինի օրինական ընտրված իշխանութուն։
...Այսօր ձեր արածը հարված է ոչ միայն արցախահայությանը, այլև ՀՀ պետական սահմանը պահող մեր որդիներին»,- ասել է Կանադայում ՀՀ դեսպանը:
Մեր կողմից նկատենք, որ եթե Փաշինյանի իշխանությունը ներկայացնող դեսպանը հանդիմանում է արտերկրում հայտնված, տվյալ երկրի քաղաքացիություն ունեցող ցուցարար հայերին, ապա ինչո՞ւ է անպայման ուզում «դրամահավաք-ճաշկերույթ» ունենալ նույն երկրի քաղաքացի այլ հայերի հետ: Որովհետև նրանք իր իշխանության պարգևավճարների համար փո՞ղ են տալու (բոլորս հիշում ենք, թե ինչպես այս իշխանությունը տնօրինեց «Հայաստան» հիմնադրամի՝ 44-օրյա պատերազմի ընթացքում հանգանակված 100 միլիոն դոլարը): 
Այսինքն՝ «փո՛ղ տվեք», բայց՝ «հանկարծ ու հանկարծ մտքներովդ չանցնի՝ թթու խոսք ասեք մեր իշխանությանը»: Իվյալ դեսպանուհին «մոռանում» է, որ ներկայացնում է մի իշխանություն, որը թշնամուն է հանձնել Արցախը, որն ուրացե՛լ է Արցախը: «Մոռանում» է, որ ինքը ներկայացուցչուհին է մի իշխանության, որը ունի հայերի «սև ցուցակ»՝ արգելում է Փաշինյանի հրաժարականը պահանջած սփյուռքահայ մարդկանց մուտքը:Հայաստան: 

Zham.am