Հայկական հաջողված գիտափորձը
Զանգվածների կառավարման տեխնոլոգիաները մեծ առաջընթաց են ապրում։ Այս մասսայական ինֆորմացիոն ապատեղեկատվության, սոցցանցերի քաոսի ու գիտականորեն մշակված ապակողմնորոշման դարաշրջանում 8 միլիարդ մարդու պետք է վերահսկողության տակ պահել։
Լուրջ խնդիր է ու դրա համար պետք են լոկալ գիտափորձեր, որ հետագայում դա տարածել մյուս երկրներում։ Այս առումով հայկական գիտափորձը կարելի է համարել հաջողված։
Տեսեք, սոցիալական դժգոհությունների միջոցով ոմն ծաղրածուի դարձնում են երկրի ղեկավար, պատեհապաշտներին ու բառիս բուն իմաստով իդեոտներին' դեպուտատներ, հետո սկսում եք ծրագրավորված կերպով քանդել պետական ինստիտուտները, կազմակերպված կերպով երկիրը տանում եք պատերազմի ու հազարավոր զոհերով հանձնում տարածքներ, հետո թշնամին սկսում է հերթով մտնել մարդկանց մնացած տներն ու մի քանի ժամ ժամանակ տալիս այն լքելու համար ..., ու այդ ամենը աշխատում է։
Իսկ ամենահետաքրքիրն այն է, որ ծաղրածուն հանդես է գալիս ծրագրային հոդվածով ու այդ ամենը հիմնավորում օբյեկտիվ պատճառներով եւ հրաշք, զանգվածի մի մասը սկսում է դա հերքել, մյուս մասը' հիմնավորել։
Գիտափորձը շարունակվում է։
Այն ինչ հիմա կատարվում է Հայաստանում, նկարագրված է "Ջոկեր" ֆիլմում, ինչը նույնպես ապացուցում է գիտափորձի վարկածի լրջությունը։
Միակ մխիթարանք այն է, որ հաջողված փորձի արդյունքները մյուս երկրներում էլ են կրկնելու ու մենք միակը չենք լինելու, ուղղակի մեզ մոտ խիստ ծայրահեղացված ու դաժան է այդ ամենը իրականացվում, մյուս երկրներում գուցե ինովացիաներ կլինեն։
Մենք առաջին քրիստոնյա ազգը լինելուց բացի նաեւ առաջին ազգն ենք, որ նման կարեւոր ու մաշտաբային փորձի է մասնակցում։
Քաղաքագետ Ստեփան Դանիելյանի ֆեյսբուքյան էջից
Հետևեք մեզ Facebook-ում