Չոր աշխատավարձ և հոնարար. Լիլիթ Մակունցի հայտարարագրած ունեցվածքը
Zham.am-ը շարունակում է իր հրապարակումների շարքը ՀՀ բարձրաստիճան պաշտոնյաների ունեցվածքի հայտարարագրերի վերաբերյալ: Այս հրապարակմամբ ներկայացնում ենք ՀՀ մշակույթի նախարարի պաշտոնակատար Լիլի Մակունցի ունեցվածքի հայտարարգիրը:
Ս/թ հունիսի 6-ին Բարձրաստիճան պաշտոնատար անձանց էթիկայի հանձնաժողով ներկայացված 2018 թվականի հայտարարագրում Լիլիթ Մակունցը գրանցել է 1 մլն 251 հազար 687 դրամ և 597 դոլար դրամական միջոց:
Տարվա ընթացքում Լիլի Մակունցը ստացել է 1 մլն 551 հազար 690 դրամ եկամուտ, որը գոյացել է աշխատանքի վարձատրությունից:
Դեկտեմբերի 9-ին կայացած արտահերթ խորհրդարանական ընտրություններում Լիլիթ Մակունցը պատգամավորության թեկնածու էր առաջադրվել «Իմ քայլը» դաշինքի համամասնական և ռեյտինգային ցուցակներով:
Ընտրություններից առաջ ըստ կանոնակարգի Մակունցը Կենտրոնական ընտրական հանձնաժողով է ներկայացրել վերջին մեկ տարվա գույքի և դրամական միջոցների հայտարարագիրը:
Ըստ հայտարարագրի տվյալների, վերջին մեկ տարվա ընթացքում Մակունցի դրամական միջոցները կազմել են 300 դոլար:
Մակունցի եկամուտները գոյացել են աշխատավարձից և հոնարարից: Մասնավորապես՝
535 հազար 652 դրամ աշխատանքի վարձատրություն՝ Ֆրիդրիխ Էբերտ հիմնադրամից:
755 հազար 420 դրամ աշխատավարձ՝ Հայ-ռուսական Սլավոնական համալսարանից,
Մակունցի նախարարական աշխատավարձը կազմել է 2 մլն 801 հազար 845 դրամ:
ևս 1 մլն 200 հազար դրամ հոնարար ստացվել է ԱՄՆ Խաղաղության կորպուս ընկերությունից:
Ընդհանուր հաշվով, Մակունցի եկամուտները կազմել են 5 մլն 292 հազար 917 դրամ:
Այս հայտարարագրում ևս, անշարժ-շարժական գույք գրանցված չէ:
Պատրաստեց Ակաթի Վահանյանը