Հայաստանն ունի բոլոր հնարավորությունները գլոբալ խաղացողների միջև պայքարի դաշտ դառնալու համար. Ալեքսանդր Կռիլով. Տեսանյութ

Ռուսաստանի գիտությունների ակադեմիայի Կովկասի սեկտորի գլխավոր գիտաշխատող, պատմական գիտությունների դոկտոր, Կովկասագետների գիտական ընկերության նախագահ, քաղաքագետ Անդրեյ Կռիլովը Alpha News-ի հետ զրույցում մեկնաբանել է Նիկոլ Փաշինյանի նոր կշտամբանքները ՀԱՊԿ-ի հասցեին։

«Այժմ Հայաստանի ղեկավարությունը բանակցում է, որ որոշ տարածքներ տա Ադրբեջանին։ Այսինքն՝ խոսքը ագրեսիայի մասին չէ, այլ սահմանային հակամարտությունների, սահմանային վեճերի։ Եվ երկրորդը, եթե խոսքը ագրեսիայի մասին է, ապա պետք է գործողության մեջ դրվի ՀՀ սահմանադրության 119-րդ հոդվածը, որը նախատեսում է ռազմական դրություն և մոբիլիզացիա հայտարարել։

Դրանցից ոչ մեկը չարվեց, ուստի Հավաքական անվտանգության պայմանագրի կազմակերպությունն առաջարկեց դիտորդական առաքելություն ուղարկել այն շրջաններ, որտեղ իրավիճակը բարդ է, սակայն Հայաստանի ղեկավարությունը մերժեց դա և պահանջեց, որ ՀԱՊԿ-ն անհապաղ միջամտի, և նրանք նախընտրեցին դիտորդների Եվրամիությունից: Հիմա, ըստ ամենայնի, պետք է սպասել, որ Եվրամիության դիտորդները ինչ-որ կերպ կկարգավորեն իրավիճակը Հայաստանի սահմանին»,-ասել է Կռիլովը։