Ինքնակոչ հոգևորական, թաղման... ապօրինի կարգ
Րաֆֆին, իր անկրկնելի «Խաչագողի հիշատակարանը» գրելիս, հավանաբար նման անձանց է նկատի ունեցել: Պարզվում է, որ մեր օրերում հուղարկավորման ծես անցկացնող կամ թաղման կարգի ծառայություն մատուցող հոգևորականն էլ կարող է... կեղծ լինել:
Համենայն դեպս, փաստ է այն, որ Այնթապի հոգևոր հովիվ Տեր Հարություն քահանա Հակոբյանը ֆեյսբուքում հրապարակել է հոգևորականի հանդերձով մեկ անձի լուսանկար և այնթապցիների ուշադրությունն է հրավիրել պատկերված անձի ու նրա գործունեության վրա. «Սիրելի այնթապցիներ, տեղեկացնում ենք, որ Գագիկ անունով սույն անձը Այնթապ համայնքում կատարել է ապօրինի ծիսական արարողություն՝ թաղման կարգ: Վերջինս ներկայանում է որպես սարկավագ, սակայն չունի հոգևոր որևէ աստիճան, որևէ թեմում չի սպասավորում»:
Այ քեզ, բա՜ն, ինչպես ասվում է, կամ՝ Ասված էլ բեթարից ազատի:
Հետևեք մեզ Facebook-ում