Կիրանց գյուղի մեջ գաղտնի սահմանային հենսյուներ են դրվել (լուսանկարներ)
Կիրանց գյուղի մեջ արդեն սահմանային հենսյուներ են դրվել. Կիրանցից հայտնում է լրագրող Անի Գևորգյանը։
Հենասյունների կողքին սահմանապահներ են կանգնած։
Գյուղացիներն այս պահին հավաքվել են ճանապարհին։ Նրանք ասացին, որ առավոտյան են դրել՝ գաղտնի։ Գյուղացիներին թույլ չեն տվել մոտենալ։
«Մեկ այլ հենասյուն էլ ներքին գետի կողքն են դրել»,- ասացին գյուղացիները։
Լրագրողը տեղեկացնում է, որ հենասյուների տեղադրման ժամանակ կիրանցեցիներից մեկի՝ տիկին Խանումի ինքնազգացողությունը վատացել է։ Այս պահին բուժկետում է։
Նրա տունը ևս անցնելու է ադրբեջանական կողմին։
Ի լրումն, Փաշինյանի ընտանեկան «ՀԺ»-ն էլ գրում է, թե՝ սահմանազատված հատվածները սահմանապահների կողմից վերահսկողության տակ վերցնելու գործընթացն իրականացնելու համար ժամանակավորապես փակվում է Կիրանց գյուղի մուտքը: Սա ավելի շատ նման է Փաշինյանի ընտանեկան թերթի միջոցով ուժայիններին տրված հրահանգի, որ շարունակեն ահաբեկել ու հոգեբանական տեռորի տակ պահեն Կիրանց գյուղի հայ բնակչությանը, թույլ չտան, որ քաղաքական գործիչներ, ընդդիմադիր պատգամավորներ, լրագրողներ լինեն տեղում, որպեսզի լիարժեք չբացահայտվի Կիրանցում տեղի ունեցող խայտառակությունը:
Հետևեք մեզ Facebook-ում