«Քաղաքականապես այս աստիճան դմբո ժողովուրդն ինչպե՞ս է գոյատևելու»․ Արծրուն Պեպանյան
«ԱԼԻԵՎՆ ԱՍԵԼ Է, ԹԵ ՈՏՔՈՎ Է ԳԱԼՈՒ ԶԱՆԳԵԶՈՒՐ ԵՎ ՈՉ ԹԵ ՏԱՆԿՈՎ
Ալիևն ասել է, թե գալու է Զանգեզուր ու տանկով չի գալու, այլ ոտքով:
Ու մերոնք, իբր թե, շշպռում են նրան:
Այո, ոտքով է գալու: Գալու է, որովհետև 1997–ից սկսած ահազանգում եմ ու ահազանգում, որ մեր ժողովուրդը օտարի լծի տակ մնալու հետևանքով հոգեմտավոր խեղում ունի, նրա մոտ բացակայում է պետական մտածողությունը և պատերազմում տարած հաղթանակն ամրապնդելու, երկիրը հզորացնելու փոխարեն բացառապես անձնական ու նեղթիմային շահերով առաջնորդվելով՝ թուլացնում է պետությունը, կազմաքանդում ու եթե դրա դեմը չառնենք, ժողովրդի մենթալիտետը չփոխենք, ապա այնքան ենք թուլանալու, որ թուրքերը մեզ վրա ոչ թե տանկով են գալու, այլ ոտքով՝ ոչխարների հոտը քշելով:
Լավ, այդքան դժվա՞ր էր տեսնելը:
Այդքան դժվա՞ր էր իմ այդ տեսակետի համար ինձ շարունակաբար ազգի դավաճան, ծախված մտավորական, իշխանական ագենտ հորջորջելու փոխարեն սթափվեիք, բացեիք ձեր աչքերն ու տեսնեիք վերահաս աղետը, որը բոլորով բերում էիք ձեր իսկ գլխին:
Լավ, քաղաքականապես այս աստիճան դմբո ժողովուրդն ինչպե՞ս է իր գոյատևումն ապահովելու հետզհետե գազազող այս աշխարհում:
Անկեղծ ասած՝ դեռևս դժվարանում եմ գտնել այս հարցի պատասխանը»: