Արևմտյան հիմնադրամները գրոհ են սկսել Արցախում ռուսաց լեզվի մասին օրինագծի դեմ

Մեկ ամսվա ընթացքում ռուսաց լեզուն Արցախում պետականի կարգավիճակ կստանա: WarGonzo տելեգրամյան ալիքի տվյալներով, հանրապետության Ազգային ժողովի պատգամավորների մեծ մասը պատրաստ է ընդունել համապատասխան օրինագիծը: Սակայն հենց որ պաշտոնական Ստեփանակերտի կողմից հայտնվեցին առաջին լուրերն այդ նախաձեռնության մասին, Արցախում ակտիվացավ արևմտյան հիմնադրամների աշխատանքը, կապված այդ թվում Սորոսի հետ: Դրանց գործունեությունն օրինականացված է Հայաստանի տարածքում և, փաստացի, վաղ չէր տարածվում Արցախի վրա: Սակայն վերջին մի քանի ամիսների ընթացքում նրանք սկսեցին ֆինանսավորել մասնավոր նախագծեր և առանձին հասարակական գործիչների անմիջապես Ստեփանակերտում: 

Այդ հիմնադրամների գործակալները սոցիալական ցանցերում նեգատիվ ֆոն են ստեղծում ոչ միայն Ռուսաստանի (և խաղաղպահների) դեմ, այլև գրոհ են կազմակերպել ռուսաց լեզվի մասին օրինագծի դեմ: Միևնույն ժամանակ արևմտյան հիմնադրամների ծավալված գործունեությունը չի համապատասխանում բնակչության իրական տրամադրություններին: Համաձայն հարցումների քաղաքացիների 90%-ից ավելին դրական է վերաբերվում այն բանին, որ ռուսաց լեզուն կդառնա երկրորդ պետական լեզուն Արցախում: 

WarGonzo-ի աղբյուրն ուժային կառույցներում տրամադրել է այդ կազմակերպությունների ցուցակը, որոնց աշխատանքը նպատակաուղղված է Ռուսաստանի գործունեության դիսկրեդիտացիային Արցախում: 

1. Erasmus+
2. Transparency International
3. Բաց հասարակության ինստիտուտի օժանդակության հիմնադրամ
   
4. «Հելսինկյան նախաձեռնություն»
5. «OpenStreetMap» հիմնադրամ
6. «Crest» հիմնադրամ
7. «Civilitas» հիմնադրամ
8. Berghof Foundation

Zham.am