Ամերիկյան Washington Post –ն անդրադարձել է հայ-ադերբեջանական վերջին բախումներին

Ըստ թերթի վերլուծաբան Դեվիդ Ինգատիուսի`  այս կոնֆլիկը միակ հարթակն է  որտեղ ռուսներն ու ամերիկացիներն իրար գոնե հրապարակավ չեն հակադրվում: Ըստ վերլուծաբանի` սա իրոք ունիկալ իրավիճակ է, երբ Վաշինգտոնն ու Մոսկվան այլ հարցերում իրար փոր են թափում չխնայելով ոչինչ:

Այս հանգամանքն, ըստ վերլուծաբանի,  պայմանավորված է մի շարք հանգամանքներով: Թուրքերն անվերապահորեն աջակցում են Ադրբեջանին և նույնիսկ պատրաստ են զորք ուղարկել տարածաշրջան, ինչպես դա արեցին Սիրիայում, Իրաքում  և Լիբիայում: Սակայն այստեղ թուրքական նկրտումներին  դեմ  են  ռուսաներy, որոնց շահավետ չէ թուրքերի ներխուժումն տարածաշրջան:

Ինչ վերաբերվում է ամերիկացիներին, ապա վերջինիս նույնպես դուր չի գալիս թուրքերի հակասական պահվածքը: Լինելով ՆԱՏՕ-ի անդամ երկիր, նա Ս-400 հրթիռներ է գնում Մոսկվայից: Սիրիայում նեղում է ամերիկացիների դաշնակից քրդերին, էգեյան ծովում իրեն  անտակտ է պահում  ՆԱՏՕ-ի անդամ մյուս  երկրի՝ Հունաստանի նկատմամբ: Բացի այդ,  պատմական գործոնy հաշվի առնելով ԱՄՆ-ն չի կարող ողջունել Թուրքիայի հակահայկական գործողություններն: Հենց դրա պատճառով էլ այս կոնֆլիկտը, դա այն միակ հարթակն է, որտեղ ամերիկացիներն ու ռուսները կարող են իրար հետ համագործակցել:

Մյուս կողմից, ըստ վերլուծաբանի, ամերիկացիների մոտ կարող է  մեծ գայթակղություն առաջանալ այս հարցի  շուրջ  ակտիվ կոնֆլիկտի մեջ  իրար դեմ ներքաշել ռուսներին և թուրքերին: Սակայն այդ դեպքում դա կարող է հանգեցնել մեծ պատերազմի, որի արդյունքում կսպանվեն մեծ քանակով  հայեր և ադրբեջանցիներ, որն այդքան էլ բարոյական չի լինի, ըստ վերլուծաբանի:

Այդ իսկ պատճառով էլ, ըստ նրա, արժե ամեն կերպ գնալ կոնֆլիկտի հանդարտեցման ռուսների հետ միասին, սակայն, ըստ վերլուծաբանի, այս նախընտրական փուլի պայմաններում Վաշինգտոնում չի գտնվի մի գործիչ, ով կփորձի լեզու գտնել ռուսների հետ, եզրակացմնում է թերթի վերլուծաբանը:

 Zham. am