Հարկային դրախտավայր բիզնեսի բոլոր շերտերի համար

Հարկային քաղաքականությունը պետք է դառնա ոչ թե պատժիչ գործողության գործիք, այլ պետության ներսում համակեցությունը ապահովող մշակույթ հանրության բոլոր շերտերի՝ գործատուների, աշխատուժի, թոշակառուների, պետծառայողների ու հանրության խոցելի շերտերի համար:

Աղքատությունը չարիք է, որը պետք է կրճատվի: Մեր երկրում աղքատությունը 20 տոկոսից ավելի է, քանի որ օրվա իշխանությունը աղքատությունը հաղթահարում է սեփական գրպաններում ու միաժամանակ մարդկանց մեղադրում է, որ այն իրենց գլուխներում է:

Ի դեպ, ՔՊ-ական պատգամավորներից մեկը վերջերս «Մայբախ» է գնել, մինչդեռ թավշյա կոչված հեղափոխությունից առաջ մոսկվաներում հեռախոսի «չեխոլ» ծախող էր աշխատում:

Բիզնեսի բոլոր շերտերի համար մենք առաջարկում ենք՝

• տարեկան մինչև 60 միլիոն ՀՀ դրամ շրջանառություն ունեցող միկրոբիզնեսի ներկայացուցիչներն ազատվում են շրջանառության հարկից, այսինքն՝ տալու են զրո հարկ (աշխատողների եկամտահարկի մուծումները բյուջեին պահպանվում են),

• տարեկան 60-ից մինչև 180 միլիոն դրամ շրջանառություն ունեցող փոքր բիզնեսի համար շրջանառության հարկ սահմանել 1 տոկոսը,

• տարեկան 180 միլիոն դրամից ավելի շրջանառություն ունեցող բիզնեսի ներկայացուցիչները հայտնվում են ավելացված արժեքի հարկի (ԱԱՀ) և շահութահարկի տիրույթում. ԱԱՀ չափ սահմանել 17 տոկոսը, իսկ շահութահարկը՝ 14 տոկոսը,

• բիզնեսի որոշ տեսակների համար (օրինակ՝ ոսկու շուկայում առևտուր) սահմանել հաստատագրված վճար՝ պարզեցնելով հաշվապահությունը։

Հարկային քաղաքականությունը պետք է լինի կանխատեսելի։ Պետք է ընդունել օրենք, ըստ որի՝ հարկային դրույքաչափերի բարձրացումը պետք է իրականացվի միայն հանրաքվեի միջոցով և ոչ շուտ քան տվյալ հարկային չափն ընդունելուց 2 տարի անց։

«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից