Իսկ ի՞նչ է մտածում Կարեն Կարապետյանը Վրաստանի նոր որոշումների մասին՝ փոքր բիզնեսին աջակցելու վերաբերյալ

Մինչ հայաստանայն իշխանությունները ընդունում են վիճահարույց նոր հարկային օրենսգիրքը, ըստ որի փոքր բիզնեսը էապես զրկվում է իր նախկին արտոնություններից, հարևան Վրաստանը ճիշտ հակառակ քայլեր է կատարում: Փետրվարի 15 –ին, կառավարությունը հեղափոխական որոշում է ընդունել՝ խրախուսելու փոքր բիզնեսը երկրում: Մասնավորապես, սույն թվականի հուլիսի 1-ից, փոքր բիզնեսի հարկային բեռը կնվազի …5 անգամ: Բացի այդ, փոքր բիզնեսի ներկայացուցիչ կհամարվեն բոլոր այն ընկերությունները, որոնց շրջանառությունը չի գերազանցի տարվա ընթացքում 200 000 դոլարի սահմանագիծը: Այսինքն, եթե այսօր մինջև 40 000 դոլարի շրջանառություն ունեցող ընկերությունները ազատված են ԱԱՀ-ց, և վճարում են շրջհարկ, 5 տոկոսի չափով, ապա հուլիսի 1-ից սկսաց, 40 000 դառնում է 200 000 դոլար, իսկ շրջհարկը ընդհամենը…1 տոկոս: Ահա այդպիսի պատմություն: Իսկ Հայաստանում այս տարվանից փոքր բիզնեսի շեմը իջեցրին 230 000 դոլարից մինջև 120 000 դոլար, իսկ 5 տոկոսանոց հարկման դրույքաչափն էլ մնաց անփոփոխ:

Այս ամենից հետո, ինչպե՞ս է Կարեն Կարապետյանը խոստանալու ներդրումներ բերել Հայաստան, երբ մեր փոքր բիզնեսը շուտով կարող է տեղափոխվել Վրաստան: Հայաստանում շատ են սիրում խոսել այն մասին, թե Վրաստանը ավելի հարուստ երկիր է և իրեն կարող է թույլ տալ նման շռայլութւուններ: Հենց այսպիսի քաղաքականություն վարելու արդյունքում են երկրները դառնում հարուստ: Մինչդեռ այսպիսի քաղաքականություն վարելով, ինչպես իրականացվում է Հայաստանում, մենք երբեք «փոսից» դուրս չենք գա, որովհետև դրա պատճառը այսօրվա իշխող տնտեսական և քաղաքական վերնախավի պատկերացումներն են: Այս պարզունակ մտածողություն ունեցող մարդկանցից այլև ոչինչ պետք չէ սպասել:

Արտակ Հակոբյան