Դատարանը 3 ամսով երկարաձգեց Բագրատ սրբազանի տնային կալանքը Մանդատազրկման հարցը՝ արդեն 4-րդ անգամ դատարանում Ես քաղհալածյալ եմ. Խաչիկ Գալստյանը՝ դատարանում
Փաշինյանը պատերազմ է հայտարարել լրագրողներին. ՀԺՄ հայտարարություն ՌԴ նախագահը դրական է գնահատել եռակողմ հանդիպումը Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի + 250 մլն եվրո․ Փաշինյանը Հայաստանը գցում է նոր վարկի տակ Այնքան են լկտիացել, որ փորձում են շրջանցել անգամ դատարանի որոշումները. Մանուկ Սուքիասյան Պատմական հանդիպում. Մեկնարկել են Թրամփի, Սիի և Պուտինի միջև եռակողմ բանակցությունները Փաշինյանի և Պապիկյանի կառավարած բանակում էլի զինծառայող է մահացել Պուտինն ու Թրամփը հանդիպել են Պատերազմ Արցախում
Կինգ Կոնգը, պինգ-պոնգը ու... «Սահմանադրությունը» Փաշինյանը թող բերի 5 նախադեպ, երբ ինքը չի «քցել», հետո նոր առաջարկություններ անի․ Քրիստինե Վարդանյան Ի՞նչն է հունից հանել Փաշինյանին․ «Կարճ ասած» Ո՞վ է մեզ պատերազմ հայտարարելու․ Նիկոլ Փաշինյանի ականջը կանչի․ Խաչատրյան Թրամփը Չինաստան կատարած իր այցը անվանել է հիանալի Փաշինյանը պատերազմ է հայտարարել լրագրողներին. ՀԺՄ հայտարարություն «Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ» Փաշինյանը սպառված գործիչ է և հանրային ճնշում գեներացնել չի կարող. Քաղտեխնոլոգ «ԶԱՊ-ը» և «Օշականցի Գևորիկը» դատարանի դահլիճից ազատ են արձակվել Ի՞նչ են անում, երբ սերիական խաբեբան և կեղծարարն առաջարկում է իր «ազնիվ խոսքի» վրա հիմնված գործարք. Լևոն Զուրաբյան Ավելի քան 4 միլիոն բարել հում նավթ տեղափոխող երկու նավեր այրվում են Հորմուզում Դատարանը 3 ամսով երկարաձգեց Բագրատ սրբազանի տնային կալանքը ՌԴ նախագահը դրական է գնահատել եռակողմ հանդիպումը «Դու իսկապե՞ս այնքան ես կտրվել իրականությունից, որ կարծում ես՝ քո քաղաքական կենսագրության մեջ որևէ դրական բան կա, որով կարող ես երաշխավորե՞լ ինքդ՝ քեզ». Արթուր Սուքոյան Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Բարձր տոնն ու պիտակավորումները ընդամենը փորձ են՝ աղմուկով ծածկելու բովանդակային փակուղին և խուսափելու ուղիղ պատասխաններից. Աշոտյան Թրամփի ընկերությունները գումարներ են ստացել ադրբեջանական «լվացքատնից» Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել «Հրապարակ»․ Մեծ «ռազբորկա» է տեղի ունեցել Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ» Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս. «Ժողովուրդ» Մոսկվան արմատական է տրամադրված. «Հրապարակ» Բուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». Փաշինյան․ «Ժողովուրդ» Ի՞նչ է թաքցվում Փաշինյանի հիստերիայի տակ․ «Կարճ ասած» Երեք տարի անց արցախյան հակամարտությունը մնում է չլուծված Ֆրանսիայի Ազգային ժողովում «Արցախ․ հանձնառություններ և հեռանկարներ» խորագրով համաժողով է կազմակերպվել + 250 մլն եվրո․ Փաշինյանը Հայաստանը գցում է նոր վարկի տակ Մի կողմ դնենք սևացած բանանը, նյարդային դրամատուրգիան, սևացած դուխիզմը։ Նայենք լայն և խորը. Վլադիմիր Մարտիրոսյան

Շատերը չեն պատկերացնում այս համակարգի հետևանքներն իրենց վրա

Որքան էլ կառավարությունը փորձում է համոզել, որ քաղաքացիների եկամուտների համընդհանուր հայտարարագրումը ֆիսկալ նպատակ չի հետապնդում, այդպես չէ։ Միայն այն, որ դրսից ստացվող գումարների վրա շեմ են դրել, բավական է դա հասկանալու համար։

Հիշեցնենք, որ առաջիկա 5 տարում կառավարությունը չի պահանջելու հիմնավորել դրսից ստացվող տարեկան մինչև 12 մլն դրամի եկամուտների ստացման աղբյուրները։ Ավելիի դեպքում պարտադրված կլինեն հարկայինի թղթով հիմնավորել դրանց օրինականությունը։ Հակառակ պարագայում կընկնեն եկամտային հարկի տակ։ Այսինքն՝ այդ գումարի 20 տոկոսը ստիպված կլինեն վճարել պետությանը՝ որպես եկամտային հարկ։

Այս պահանջը կգործի արդեն հաջորդ տարվանից։ 12 մլն դրամից ավելի ստացվող գումարները կհարկվեն, եթե փաստաթղթով հիմնավորված չլինի դրանց օրինականությունը։

Որ այսօր շատերը չունեն նման հիմնավորումներ, այդպես էլ կա։ Անշուշտ, վաղն էլ չեն ունենալու։ Եկամուտների համատարած հայտարարագրման ինստիտուտի ներդրումից հետո այս մարդիկ կանգնելու են դիլեմայի առաջ՝ բերել գումարները Հայաստան և լրացուցիչ հարկ վճարել պետությա՞նը, թե՞ պահել դրսում։ Պարզ է, որ շատերը հակված չեն լինելու լրացուցիչ հարկ վճարել։ Ուստի՝ խուսափելու են բերել այդ գումարները Հայաստան, կամ փորձելու են շրջանցել բանկային համակարգը։ Թերևս, սա է պատճառներից մեկը, որ բանկային համակարգի ներկայացուցիչները դեմ են դրսից ստացվող գումարների հայտարարագրմանը։

Սակայն այնպես չէ, որ միայն բանկերն են դեմ իշխանությունների այս նախաձեռնությանը։

Փորձագետների մեծ մասը պնդում է, որ այն տեսքով, ինչ տեսքով կառավարությունն ուզում է իրականացնել եկամուտների համատարած հայտարարագրումը, արդարացված չէ և կարող է դառնալ հերթական ձախողված նախաձեռնությունը։ Այդպիսի նախաձեռնությունների վերջին շրջանում մեկ անգամ չէ, որ հանդիպել ենք։

Ամիսներ առաջ սահմանափակեցին կանխիկի շրջանառությունը, բայց մինչև հիմա դրա կիրառման համար չեն կարողանում տարրական տեխնիկական պահանջներն ապահովել։ Մեկ այլ դեպքում՝ պահանջներ մտցրեցին ավտոմեքենաների գազաբալոնների հետ կապված ու կրկին ձախողեցին։ Հերթը եկամուտների հայտարարագրմանն է, որի ընդգրկման ծավալներն անհամեմատ ավելի մեծ են։ Այն առնչվելու է ամբողջ բնակչությանը ու շատ ավելի դժվար է լինելու դրա տեխնիկական ապահովվածությունը։

Պահանջը դրված է հարկայինի վրա։ Թե հարկայինն այսօր որքանով է կարողանում բավարարել իր մյուս գործառույթներին առնչվող տեխնիկական պահանջները՝ հարկատուները լավ գիտեն։ Իրենց գործունեության ընթացքում նրանք մշտապես բախվում են համակարգի տեխնիկական խնդիրների հետ, անիմաստ ժամանակ ու նյարդեր են վատնում։

Ծանրաբեռնվածության պատճառով հարկայինի էլեկտրոնային համակարգն անընդհատ խափանումների մեջ է։ Այդպես է հատկապես հաշվետությունների ներկայացման օրերին։

Էլեկտրոնային այս համակարգը ներդրվել է տարիներ առաջ, բայց այսօր էլ շարունակում են նույն խնդիրները զգացնել տալ։ Ոչ մի կերպ չի հաջողվում այն շտկել։ Իսկ ի՞նչ կլինի եկամուտների համատարած հայտարարագրման ինստիտուտի ներդրումից հետո, որը ենթադրում է միլիոնավոր նոր հաշիվներ։ Ու երբ մի քանի տասնյակ կամ հարյուր հազար մարդ որոշի նույն օրը կամ նույն ժամին հաստատել իր հայտարարագիրը, դժվար չէ պատկերացնել, թե ինչ տեղի կունենա համակարգի հետ։

Համատարած հայտարարագրման ինստիտուտի ներդրումը ենթադրում է, որ դրան տեխնիկապես պետք է պատրաստ լինի ոչ միայն պետությունը, այլև քաղաքացին։

Ասում են՝ հարկայինի սպասարկման կետերը կօգնեն քաղաքացուն։ Իսկ քանի՞ այդպիսի սպասարկման կետ կա գյուղական բնակավայրերում։ Ոչ մի։

Ինչքան էլ համոզեն, թե ամեն ինչ արվելու է շատ պարզ մեխանիզմով, մարդիկ ընդամենը մտնելու են համակարգ ու հաստատեն իրենց հայտարարագրերը, այդպես չէ։ Ցանկացած, անգամ տեխնիկական վրիպակ, կարող է պատուհաս դառնալ քաղաքացու համար։ Նույնիսկ տարիներ շարունակ հայտարարագիր ներկայացնելու պարտավորություն ունեցող քիչ պաշտոնյաներ չկան, ովքեր մինչև հիմա չեն կարողանում ճիշտ լրացնել իրենց հայտարարագրերը։

Սրանք դեռ միայն տեխնիկական խնդիրներն են, որոնց բախվելու են քաղաքացիները։ Բայց նրանց խնդիրները միայն դրանով չեն սահմանափակվելու։

Շատերը պարզապես չեն պատկերացնում այս համակարգի հետևանքներն իրենց վրա։

Եթե կարծում են, որ սա արվում է հարուստների փողերը բյուջե բերելու համար, չարաչար սխալվում են։ Պատկերացրեք, մարդը մասնավոր աշխատանք է կատարում՝ բնակարանի վերանորոգմամբ է զբաղվում։ Դրանով հազիվ կարողանում է ընտանիք պահել։ Բայց այդ եկամուտը ոչ մի տեղ չի երևում։ Համակարգի ներդրումից հետո պարտավոր է լինելու հայտարարագրել այդ գումարները և եկամտային հարկ վճարել։ Չհայտարարագրելու դեպքում, շատ ավելի ծանր հետևանքների հետ է բախվելու։

Մեկ այլ ավելի պարզ օրինակ բերենք, որպեսզի բոլորի համար հասկանալի լինի. եթե ձեր բարեկամը կամ ազգականը օգնության կարգով ձեզ կանխիկ գումար է տվել, դա, բնականաբար, չի երևացել հարկայինի ներկայացրած հայտարարագրում, դուք էլ, մոռացել, չեք ավելացրել ձեր լրացուցիչ եկամուտների բաժնում, ու այդ մասին իմացել են հարկայինում, կարող են ձեզ հարկերը թաքցնելու պահանջ ներկայացնել, գուցե նաև քրեական գործեր հարուցեն։

Այս սպառնալիքը կախված է լինելու ցանկացած քաղաքացու գլխին, հատկապես, երբ այդ քաղաքացու վերաբերմունքն այնքան էլ բարեհամբույր չլինի իշխանության նկատմամբ։ Հայտարարագրման համակարգը, որն ուզում են կիրառել, գործիք է լինելու իշխանության ձեռքին՝ անհնազանդներին պատժելու համար։ Ու դա կարող են անել տարբեր ձևերով։

Չնայած համակարգի ներդրման ու հետագա կիրառման հետ կապված կան բազմաթիվ խնդիրներ, ակնհայտ է, որ իշխանություններն ամեն ինչ անում են օր առաջ այն գործարկելու համար։ Վերջին պահին բերել են օրենքի նախագիծ և ուզում են շուտափույթ ընդունել։ Հիմնավորում են գտել, թե իբր վաղուց են հայտարարել, որ պատրաստվում են ներդնել եկամուտների համատարած հայտարարագրման ինստիտուտը։ Բայց հայտարարելը շատ քիչ է։ Իսկ մինչև հիմա քանի՞ քննարկում է իրականացվել դրա վերաբերյալ։ Այն բանից հետո, երբ մասնագիտական հանրությունն իր դժգոհությունները հայտնեց կառավարության առաջարկությունների վերաբերյալ, նոր որոշեցին հապճեպ քննարկումներ անցկացնել՝ այն էլ սահմանափակ շրջանակներում։

Դրանից հետո էլ, իհարկե, մասնագետների մտահոգությունները չփարատվեցին։ Նախաձեռնության հետ կապված բացերն ու բարձրացված խնդիրները շարունակում են արդիական մնալ, բայց կառավարությունը չի ուզում դրանք նկատել և շտապում է հրատապ ռեժիմով այն ընդունել տալ խորհրդարանում։

Պատրաստվում են ամբողջ բնակչությանը եկամուտների համատարած հայտարարագրում պարտադրել, բայց անգամ չունեն դրա արդյունավետության գնահատական։ Իսկ դա նշանակում է, որ իշխանություններն իրենք էլ չեն պատկերացնում, թե ինչ է լինելու սրա վերջը։

Մի երկրում, որտեղ բնակչության գրեթե կեսը աղքատ է, մարդիկ տարբեր միջոցներով հազիվ կարողանում են իրենց գլուխը պահել, բոլորին պարտադրել մտնել եկամուտների համատարած հայտարարագրման տակ, արկածախնդրություն է։ Պետք չէ դա քողարկել սոցիալական օժանդակության մեխանիզմների տրամադրման տակ։ Այդպիսի համակարգեր կարող են իրենց թույլ տալ հարուստ հասարակությունները, բայց ոչ մեր նման աղքատ երկրները։

ՀԱԿՈԲ ՔՈՉԱՐՅԱՆ

Աղբյուրը՝ 168.am

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/zham.am.armenia/a>