Հալուք Բայրաքթար. Զելենսկին իր ժողովուրդի և բանակի առաջնորդն ու հերոսն է

Baykar Makina-ի գլխավոր տնօրեն Հալուկ Բայրաքթարը Twitter-ում կիսվել է Ուկրաինայի նախագահ Վլադիմիր Զելենսկու հետ հանդիպումից ստացած իր տպավորություններով:

«Այսօր ես հանդիպեցի Ուկրաինայի նախագահ Վլադիմիր Զելենսկու հետ։ Հերոս, իր ժողովրդի և իր բանակի առաջնորդ: Մենք հույս ունենք, որ մոտ ժամանակներս կհասնենք արդար և հարատև խաղաղության»,- գրել է Բայրաքթարը:

Հիշեցնենք, որ Հալուք Բայրաքթարը Էրդողանի պատվիրակության կազմում  այցելել էր Ուկրաինա: Նա  խոսել է Ուկրաինայում թուրքական «Բայրաքթար» անօդաչու թռչող սարքերի արտադրության գործարանի կառուցման մասին: Ըստ Բայրաքթարի, գործարանի ինչպես նաև գիտահետազոտական ​​կենտրոնի և առաջադեմ արտադրության կենտրոնի շինարարությունն արդեն սկսվել է:

«...Մենք ցանկանում ենք արտադրել բոլոր համակարգերը։ Ոչ միայն ֆյուզելաժը, այլեւ էլեկտրոնիկա,ծրագրային ապահովում: Մեր ներդրումային ծրագրերն այժմ առաջ ենընթանում»,- ասել է  նա:

Բայրաքթարը նշել է, որ Bayraktar TV2-ըև Bayraktar Akinci-ն նույնպես կարտադրվեն ուկրաինական գործարանում: Օգոստոսի 8-ին Թուրքիայում Ուկրաինայի դեսպան Վասիլ Բոդնարը հայտնել էր, որ հատուկ Բայքար Մակինա գործարանի կառուցման համարհող տարածք էր գնել երկրի տարածքում։ Նրա խոսքով, գործարանի նախագիծը նախատեսվում է իրականացնել մինչև 2022 թվականի վերջ:

Հիշեցնենք նաև, որ այդ ընկերության հիմնական փայատերերից է նաև Էրդողանի փեսան`  Սելջուկ Բայրաքթարը: Նշենք նաև, որ թե Սելջուկը և թե Հալուքը 2020 թվականի օգոստոսի 22-ին Վլադիմիր Զելենսկու կողմից ստացել էին  «Արժանիքի համար» II աստիճանի շքանշան: Նշենք նաև, որ Էրդողանի փեսան և Հալուքը 2021 թվականին Ադրբեջանի նախագահ Իլհամ Ալիևի կողմից պարգևատրվել են  Ղարաբաղի շքանշանով:

Ուշադրություն դարձնենք նաև այն հանգամանքի վրա, որ Էրդողանը իր հետ Ուկլրաինա այցի ժամանակ տանում է ոչ թե իր փեսային, այլ Հալուքին, հավանաբար, որպեսզի Պուտինի մոտ ավելորդ գռգռություն չառաջացնի:

Էրդողանի այս պահվածքի մասին դիպուկ նշել է Զելենսկիի նախկին օգնական Արեստովիչը: Ըստ նրա` Էրդողանը շարունակում է նախկյին Օսմանյան կայսրության արտաքին քաղաքական ավանդույթները: Այս հարցում էլ, Թուրքիան ակտիվորեն զինում է Ուկրաինային և միաժամանակ ակտիվորեն համագործակցում է Ռուսաստանի հետ տնտեսական հարցերում: 

Թե  ինչքան կտևի այս քաղաքականությունը այսօր դժվար է ասել, պարզ է մեկ բան, որ և Արևմուտքում և Մոսկվայում Էրդողանի երկակի այս քաղաքական խաղերին խիստ բացասական են վերաբերվում, սակայն տակտիկական տեսակետից դեռ լռում են: Այլ հարց է, որ Թուրքիայի այս խաղերի արդյունքից առավելապես փորձում է օգտվել Ադրբեջանը:

Սա է իրականությունը:

Արտակ Հակոբյան