Սահմանադիրը քննիչ հանձնաժողովների ստեղծումը նախատեսել է որպես ընդդիմության գործիք
Դիտել նաև
Հուսով եմ՝ պատվով կհաղթահարենք մեր պետության համար այս դժվարին ժամանակաշրջանը․ Ռոբերտ Քոչարյան
Ադրբեջանը ոչ մի թուղթ չի ստորագրելու. Տաթևիկ Հայրապետյան
Կա պայքար..հայրենիք վերադառնալու. Ռոբերտ Հայրապետյան
Ռոբերտ Քոչարյանի դատական գործը, հնարավոր է, վերսկսվի
Հովհաննեսը պայքարող և հայրենասեր հայ երիտասարդի բացառիկ օրինակ էր. Ռոբերտ Քոչարյան
ԱԺ-ում կրկին քննարկման թեմա է դարձել 44օրյա պատերազմի քննիչ հանձնաժողովը իշխանությանը կամ ըննդիմությանը վերապահելու հարցը։
ՀՀ Սահմանադրության 108-րդ հոդվածը սահմանում է, որ պատգամավորների ընդհանուր թվի առնվազն մեկ քառորդի պահանջով, Ազգային ժողովի իրավասության մեջ մտնող և հանրային հետաքրքրություն ներկայացնող հարցերին վերաբերող փաստերը պարզելու և դրանք Ազգային ժողով ներկայացնելու նպատակով, իրավունքի ուժով ստեղծվում է Ազգային ժողովի քննիչ հանձնաժողով:
Քննիչ հանձնաժողովի գաղափարը փոխառված է գերմանական սահմանադրական իրավունքից (Basic Law for the Federal Republic of Germany, Article 44 [Committees of inquiry]):
Այս գործիքակազմը նախատեսված է հենց ընդդիմության համար, որպես խորհրդարանական մեծամասնությանը հակակշռող գործիք:
2015 թվականի (գործող) Սահմանադրության փոփոխությունների նախագծի հիմնավորումների «Ընդդիմության դերի ուժեղացումը» վերտառությամբ 4-րդ կետում նշված է՝
«Նախագիծը նախատեսում է նաև քաղաքական փոքրամասնությունների հետևյալ իրավունքները.
- քննիչ հանձնաժողովներ ստեղծելու և դրանք նախագահելու իրավունք.»։
Ակնհայտ է, որ սահմանադիրը քննիչ հանձնաժողովների ստեղծումը նախատեսել է որպես ընդդիմության խորհրդարանական գործիք և այս տեսանկյունից, իրոք, տարօրինակ է իշխանության կողմից նման նախաձեռնությունը։
Իշխող ուժի ձեռքում են կենտրոնացած ողջ հետաքննող մարմինները, որոնց գործունեությունը հենց միտված է բացահայտել տեղի ունեցած բոլոր տեսակի անօրինական գործողությունները՝ ներառյալ 44օրյա պատերազմի ժամանակ:
Հետևաբար՝ խորհրդարանական մեծամասնությունը, եթե իրապես նպատակ ունենար բացահայտելու 44օրյա պատերազմի ժամանակ տեղի ունեցած հանծագործություններն ու դրանց պատճառները, ապա դա կաներ պետական գործիքակազմով և ընդհանրապես կարիք չպիտի ունենա ստեղծելու քննիչ հանձնաժողով:
Ռոբերտ Հայրապետյանի ֆեյսբուքյան էջից