Նիկոլ Փաշինյանը հանդիպել է Սամանթա Փաուերին
Բրյուսելում այսօր՝ ապրիլի 5-ին, տեղի է ունեցել Նիկոլ Փաշինյանի հանդիպումը ԱՄՆ Միջազգային զարգացման գործակալության (USAID) տնօրեն Սամանթա Փաուերի հետ։
Բրյուսելում «Արմենպրես»-ի թղթակցի փոխանցմամբ հանդիպմանը ներկա են նաեւ ԱԽՔ Արմեն Գրիգորյանը, ԱԳ նախարար Արարատ Միրզոյանը, ԱՄՆ-ում ՀՀ դեսպան Մակունցը, Հայաստանում ԱՄՆ դեսպան Քրիստինա Քվինը, Հայաստանում ԱՄՆ ՄԶԳ առաքելության ղեկավար Ջոն Ալելոն, ԱՄՆ ՄԶԳ ազգային անվտանգության տնօրեն Քոլին Թոմաս Յենսենը։
Քննարկման առանցքային հարցերն են Հայաստանում ՄԶԳ-ի ծրագրերի իրականացմանն առնչվող հարցեր՝ մասնավորապես, Արցախից բռնի տեղահանվածներին աջակցելուն, Հայաստանում ժողովրդավարության զարգացմանը միտված ծրագրերի իրագործմանը վերաբերող թեմաները։
Հիշեցնենք, որ այժմ ընթանում է Փաշինյանի, Եվրոպական հանձնաժողովի նախագահ Ուրսուլա ֆոն դեր Լայենի և ԱՄՆ պետքարտուղար Էնթոնի Բլինքենի եռակողմ հանդիպումը, որը նախնական տվյալներով տևելու է շուրջ 1 ժամ:
Ավելի ուշ Հայաստանի և Եվրամիության միջև կստորագրվի «Եվրաջասթ» համաձայնագիրը: Այն ստորագրելու են ՀՀ ԱԳ նախարար Արարատ Միրզոյանը, Բելգիայի արդարադատության և Հյուսիսային ծովի հարցերի նախարար Փոլ Ֆան Թի-խելտը և Արդարադատության հարցերի ԵՄ հանձնակատար Դիդիե Ռեյն-դերսը:
Աղբյուր՝ News.am