Մեր երկիրը պետք է ազատել Նիկոլից ու նրա հաճախորդներից՝ նոր նիկոլներից. Անդրանիկ Թևանյան
«Մայր Հայաստան» դաշինքի առաջնորդ Անդրանիկ Թևանյանը ֆեյսբուքյան էջում մասնավորապես նշել է. «Երևանում հանգամանքների ու ստվերային գործընթացների արդյունքում իշխանություն ձևավորած փոքրամասնությունը՝ «Քաղաքացիական պայմանագիր» և «Հանրապետություն» կուսակցությունները, ավագանու նիստին են ներկայացրել կարմիր կետագծերով ավտոկայանատեղիների, այլ ավտոկայանատեղիների, տեղական տուրքերի ու վճարների կտրուկ բարձրացման նախագծեր։ Դրա դեմն առնելու միակ տարբերակն այն է, որ ավագանու նիստը բոյկոտվի։
Իշխանական կոալիցիայի մաս չկազմող մյուս 3 խմբակցությունները եթե չմասնակցեն նիստին, ապա քվորում չի ապահովվի, նիստը կտապալվի, թալանչիական նախագծերը ավտոմատ կերպով չեն անցնի։
Եթե իշխող ուժից դուրս գտնվող որևէ մեկը մասնակցի ու նույնիսկ դեմ քվեարկի, օրինակ, կարմիր կետագծերի աբոնեմենտի ավելի քան 13 անգամ թանկացմանը, ապա միևնույն է այդ որոշումը կընդունվի, քանզի ՔՊԿ–ն ու «Հանրապետությունը» դե ֆակտո ավելի շատ ձայն ունեն ավագանիում, քան իշխանությունից դուրս գտնվողները։ Վերջիններիս ձեռքում միայն բոյկոտի գործիքն է։ Հետևաբար՝ ճիշտը քվորում չապահովելն է։
Ավագանու վաղվա նիստը ցույց կտա, թե ով ով է և ով ինչ է իրականում իրենից ներկայացնում»։
Անդրանիկ Թևանյանկ նաև հարցազրույց է տվել «5-րդ ալիք»-ին: Մանրամասն՝ տեսանյութում:
Հետևեք մեզ Facebook-ում