Վերին Լարսով բոլոր տրանսպորտային միջոցների երթևեկությունը դադարեցվել է
![Վերին Լարսով բոլոր տրանսպորտային միջոցների երթևեկությունը դադարեցվել է](/timthumb.php?src=/disc/20-11-23/705e0684d2f629ecd4987bc9f734e6c4.jpg&w=450)
Եղանակային պայմանների վատթարացման պատճառով Վերին Լարս անցակետով բոլոր տեսակի տրանսպորտային միջոցների երթևեկությունը դադարեցվել է։ Այս մասին տեղեկանում ենք ՌԴ-ում Հայաստանի դեսպանությունից։
«Վրաստանի տարածքում եղանակային պայմանների վատթարացման, ավտոտրանսպորտային միջոցների անվտանգ երթևեկությունն ապահովելու անհնարինության պատճառով, ինչպես նաև հաշվի առնելով Վրաստանի սահմանապահ ոստիկանության հանձնարարականները, 2023 թվականի նոյեմբերի 19-ի ժամը 18:20-ից մինչև հատուկ կարգադրություն արգելվում է բոլոր տեսակի ավտոտրանսպորտային միջոցների երթևեկությունը Վլադիկավկազ-Լարս հատվածում՝ ՌԴ-ից դուրս գալու ուղղությամբ»,-ասված է հաղորդագրության մեջ։