Լիահույս եմ, որ Արցախի Հանրապետությունը պատվով դուրս կգա այս փորձությունից. Իշխան Սաղաթելյանը՝ Արցախի նախագահի ընտրության մասին
Դիտել նաև
Վարդան Օսկանյան. Ի հեճուկս Հայաստանի ու Ադրբեջանի իշխանությունների՝ Արցախի հարցը լուծված չի, փակված չի
Ալիևն ու Փաշինյանը վերջակետ դրեցին հակահայկական արարի 1-ին փուլին. ինչու ռուսական զորքը լքեց Արցախը
Փաշինյանն արցախցիների հարցով անցավ պլան «Բ»-ին. «Հրապարակ»
Արցախի վերադարձը կիրականանա գուցե բազում չարչարանքների ճանապարհով, բայց կլինի երանելի ձեռքբերում բոլորիս համար․ Արցախի թեմ
Հարատև խաղաղություն հնարավոր չէ, երբ ԼՂ ժողովուրդը բռնի տեղահանված է իր հայրենիքից. Լևոն Քոչարյանը՝ Ժնեւում (տեսանյութ)
Սեպտեմբերի 9-ին Արցախի Հանրապետության Ազգային ժողովն ընտրելու է երկրի նախագահ։
Դա տեղի է ունենում աշխարհաքաղաքական բարդ պայմաններում, երբ Արցախը գտնվում է շրջափակման մեջ, թշնամին զորքեր է կուտակել սահմանին՝ ստեղծելով պայթունավտանգ իրավիճակ։
Այս իրավիճակում կենսական անհրաժեշտություն է, որ Արցախում կայանալիք ընտրությունները տեղի ունենան համախմբման, փոխգործակցության եւ միասնականության մթնոլորտում։
Անթույլատրելի և դատապարտելի են այս օրերին որոշ ուժերի կողմից հնչեցվող սադրիչ, պառակտիչ հայտարարությունները և նախաձեռնությունները, որոք կարող են ապակայունացնել կամ խաթարել պետական համակարգի կենսագործունեությունն Արցախում։
Հավատում ենք, որ Արցախյան ազատամարտի եւ դրան հաջորդած տարիների ընթացքում իր միասնականությամբ բոլոր փորձություններին դիմագրաված արցախահայությունը տեղիք չի տա բախտախնդիր ուժերի սադրիչ կոչերին։ Իսկ Արցախում գործող պատասխանատու ուժերը կրկին հանդես կբերեն ողջախոհություն, կարձանագրեն պահի լրջությունը եւ Ազգային ժողովում կայանալիք ընտրություններով կձեւավորեն կուռ, միասնական, ստեղծված իրավիճակին համապատասխան որոշումներ կայացնող, արցախահայության ինքորոշման իրավունքները անսակարկ պաշտպանող իշխանություն։
Լիահույս եմ, որ Արցախի Հանրապետությունը պատվով դուրս կգա այս փորձությունից, և համահայկական զորակցությամբ կշարունակենք այս գոյաբանական պայքարը։
Իշխան Սաղաթելյանի ֆեյսբուքյան էջից