Իրանն ԱԹՍ-ների երրորդ խմբաքանակն է ուղարկել Իսրայելի ուղղությամբ Հայաստան–Ռուսաստան կապի վերականգնման սուր անհրաժեշտությունը․ Փաշինյանը, Սահակաշվիլին, Զելենսկին՝ «ռասխոդնի մատերիալ» Ղազախստանի նախագահը կժամանի Երևան
15
Իրանն ավարտված է հայտարարել Իսրայելի դեմ պատասխան գործողությունը՝ «հաջորդ սխալի» դեպքում սպառնալով ավելի սաստիկ հարվածով ԱՄՆ-ը կաջակցի Իսրայելին Իրանի հետ հակամարտությունում. Սպիտակ տուն Իրանը տասնյակ ԱԹՍ-ներ է արձակել Իսրայելի ուղղությամբ Գլխակեր իշխանություն Հավաք Տավուշի մարզի Ոսկեպար գյուղում՝ ի պաշտպանություն 4 գյուղերի, որոնք Փաշինյանը ցանկանում է հանձնել թշնամուն Ինչո՞վ են նման իրար Իսրայելի վարչապետ Նաթանյահուն, Նիկոլ Փաշինյանը ու Զելենսկին Ամենայն Հայոց Կաթողիկոսը ցավակցել է Մեղրիում վթարի հետևանքով զոհված զինծառայողների ընտանիքներին Կրկին վթար․ Արդանիշում դիրքը փոխելու ժամանակ զինվորական «ԿամԱԶ» է վթարի ենթարկվել. կա 2 վիրավոր Վթարի հետեւանքով ունենք 20 վիրավոր, տեղափոխման հարցով ենք զբաղված․ Մեղրիի հիվանդանոցի գլխավոր բժիշկ «Քաղաքական զառամախտը» սաստկանում է. Փաշինյանն ասում է. «Մարդիկ գիտեն, որ «կարկուտը ծեծած տեղնա ծեծում», տանում, էդ ծեծած տեղերը ցորեն են ցանում»: Պատերազմ Արցախում
Փաշինյանի «խռխռոցը» լսվեց․ եկեղեցու դեմ նոր հարձակումը պատահական չէ․ Սամվել Հակոբյան (տեսանյութ) Իրանն ավարտված է հայտարարել Իսրայելի դեմ պատասխան գործողությունը՝ «հաջորդ սխալի» դեպքում սպառնալով ավելի սաստիկ հարվածով Սարսափելին այն է, որ այս փոթորկոտ ու ցնցումային ժամանակահատվածում Հայաստանը ղեկավարում է Նիկոլ Փաշինյանը Իրանն ԱԹՍ-ների երրորդ խմբաքանակն է ուղարկել Իսրայելի ուղղությամբ ԱՄՆ-ը կաջակցի Իսրայելին Իրանի հետ հակամարտությունում. Սպիտակ տուն Իրանը տասնյակ ԱԹՍ-ներ է արձակել Իսրայելի ուղղությամբ Գլխակեր իշխանություն Հայաստանը՝ 3 քարի արանքում. Արթուր Խաչատրյան (տեսանյութ) Բրյուսելն իրենց պատմածի «տնազը» դուրս եկավ. աշխարհաքաղաքական որևէ բևեռ «նիսյայի» դիմաց «նաղդով» չի ուզում վճարել. քաղաքագետ Հավաք Տավուշի մարզի Ոսկեպար գյուղում՝ ի պաշտպանություն 4 գյուղերի, որոնք Փաշինյանը ցանկանում է հանձնել թշնամուն Ինչո՞վ են նման իրար Իսրայելի վարչապետ Նաթանյահուն, Նիկոլ Փաշինյանը ու Զելենսկին Հայաստան–Ռուսաստան կապի վերականգնման սուր անհրաժեշտությունը․ Փաշինյանը, Սահակաշվիլին, Զելենսկին՝ «ռասխոդնի մատերիալ» Լավ է, որ ԱԱԾ սահմանապահին չեն հանձնել ադրբեջանին․ պահեստազորի սպաների միություն Ղազախստանի նախագահը կժամանի Երևան Գյումրիում գործող թանգարանները չեն արտացոլում մեր հազարամյա պատմությունն ու մշակույթը Կրկին վթար․ Արդանիշում դիրքը փոխելու ժամանակ զինվորական «ԿամԱԶ» է վթարի ենթարկվել. կա 2 վիրավոր Փաշինյանի «լռությունը» վախեցնում է «ուսապարկերին» «Նարեկ Սամսոնյանի և Վազգեն Սաղաթելյանի կարգավիճակը բավարարում է ոչ միայն քաղաքական բանտարկյալի, այլև խղճի բանտարկյալի չափանիշներին». «Փաստ» Փաշինյանին ասել են՝ STOP. անցել ես անդառնալիության կետը. Քոչարյան (տեսանյութ) Ամենայն Հայոց Կաթողիկոսը ցավակցել է Մեղրիում վթարի հետևանքով զոհված զինծառայողների ընտանիքներին ՔՊ սկանդալային դրամահավաքը ներառվել է միջազգային զեկույցում ՔՊ-ում ապշած են Արարատ Միրզոյանի նյարդային ծիկերից Ինչո՞ւ են հարձակվել Հայ առաքելական եկեղեցու վրա. «Փաստ» Արդանիշում դիրքը փոխելու ժամանակ զինվորական «Կամազ» է վթարի ենթարկվել. կան վիրավորներ Իսկ ի՞նչ է մնացել ձեր իշխանությունից. «Փաստ» Փաշինյանը խոստովանեց, որ Շարմազանովը ճիշտ էր, ինքը՝ սխալ. Էդուարդ Շարմազանով (տեսանյութ) Հայաստան֊Եվրոպա.Մատի և մատանու արանք.Հարցազրույց Բորիս Մուրազիի հետ (տեսանյութ) Հայաստանը` ցնցումների շեմին Կրկին վթար․ Արդանիշում դիրքը փոխելու ժամանակ զինվորական «ԿամԱԶ» է վթարի ենթարկվել. կա 2 վիրավոր Վթարի հետեւանքով ունենք 20 վիրավոր, տեղափոխման հարցով ենք զբաղված․ Մեղրիի հիվանդանոցի գլխավոր բժիշկ

Արցախը չի՛ կարող լինել Ադրբեջանի կազմում․ դա են վկայում Ալիևի ռազմատենչ հայտարարությունները. Անդրանիկ Թևանյան. Տեսանյութ

ՀՀ ԱԺ պատգամավոր  Անդրանիկ Թևանյանը ներկայացրեց «ՀՀ ԱԺ հայտարարությունը Ադրբեջանի կողմից Լեռնային Ղարաբաղի Հանրապետության դեմ իրականացվող ռազմաքաղաքական ագրեսիայի, ահաբեկչական ու սադրիչ քայլերի, Լաչինի միջանցքի փակման կապակցությամբ»: Նախագիծը Արտաքին հարաբերությունների հանձնաժողովում ստացել էր բացասական եզրակացություն:

«Արդեն 100 օր է, ինչ Արցախը շրջափակված է: ՀՀ ԱԺ-ն դատապարտում է Ադրբեջանի կողմից 2022-ի դեկտեմբերի 3-ին ու դեկտեմբերի 12-ից մինչև օրս շարունակվող Արցախի շրջափակումը, որը հանգեցրել է լրջագույն ճգնաժամի, գոյաբանական խնդիրներ են առաջացել 120 քաղաքացիների համար: Ադրբեջանի հանցավոր գործողությունները հակասում են եռակողմ հայտարարության վեցերորդ կետին: Ադրբեջանը չի կատարում Արդարադատության միջազգային դատարանի 2023-ի փետրվարի 22-ի որոշումը»,- իր ելույթում ասաց Անդրանիկ Թևանյանը՝ ընդգծելով, որ Արցախը չի կարող լինել Ադրբեջանի կազմում:

Նախագիծը դրվեց քվեարկության և չընդունվեց:

«ՔՊ-ն մերժեց մեր նախագիծը՝ դրանով իսկ փաստելով, որ 2021-ի ԱԺ ընտրությունների ժամանակ տեղի է ունեցել շատ մեծ խաբեություն, որովհետև նախընտրական ծրագրով խոստացել էին հետապնդել Արցախի ինքնորոշման իրավունքի իրացման հարցը... Ի դեմս իշխող խմբակցության, ունենք պատերազմի ու պարտության կուսակցություն»,- հայտարարեց Թևանյանը:

**** 

ՀՀ ԱԺ նիստում այսօր քվեարկության դրվեց Բերձորի (Լաչինի) միջանցքի փակման վերաբերյալ ընդդիմության ներկայացրած հայտարարության լրամշակված նախագիծը։ ՔՊ խմբակցությունը չմասնակցեց քվեարկությանը՝ փաստացի մերժելով ընդդիմության հայտարարությունը։

Ընդդիմադիր պատգամավոր Անդրանիկ Թևանյանն իր ելությում նշել է․

Արցախի, Բերձորի (Լաչինի) միջանցքի, Հայաստանի շուրջ ստեղծված վտանգավոր իրավիճակի պատճառներից երեքը հետևյալն են՝

1. Նիկոլ Փաշինյանը 2022թ․ հոկտեմբերի 6–ին փաստացի ընդունել է Արցախն Ադրբեջանի կազմում։ Այդ մասին Աստանայում հայտարարեց Ալիևը և չարժանացավ հակադարձման․ լռությունը տվյալ դեպքում համաձայնության նշան է։

2. Նիկոլ Փաշինյանը Հայաստանը դարձրել է Արևմուտք–Ռուսաստան բախման թատերաբեմ և ի տարբերություն, օրինակ, Վրաստանի իշխանությունների, աճուրդի է հանել Հայաստանը։

3. Նիկոլ Փաշինյանը Հայաստանում հակառուսական հիստերիա է բարձրացրել՝ դրանով իսկ փչացնելով հայ–ռուսական հարաբերությունները․ նույնը նա արել էր 2020թ․ 44–օրյա պատերազմից առաջ։

***

Ընդդիմության հայտարարության տեքստն ամբողջությամբ ներկայացնում ենք ստորև․

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՀԱՅՏԱՐԱՐՈՒԹՅՈՒՆԸ

ԱԴՐԲԵՋԱՆԻ ԿՈՂՄԻՑ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԴԵՄ ԻՐԱԿԱՆԱՑՎՈՂ ՌԱԶՄԱՔԱՂԱՔԱԿԱՆ ԱԳՐԵՍԻԱՅԻ, ԱՀԱԲԵԿՉԱԿԱՆ ՈՒ ՍԱԴՐԻՉ ՔԱՅԼԵՐԻ, ԲԵՐՁՈՐԻ (ԼԱՉԻՆԻ) ՄԻՋԱՆՑՔԻ ՓԱԿՄԱՆ ԿԱՊԱԿՑՈՒԹՅԱՄԲ

Հայաստանի Հանրապետության Ազգային ժողովը դատապարտում է Ադրբեջանի կողմից 2022թ. դեկտեմբերի 3-ին և դեկտեմբերի 12-ից մինչև օրս շարունակվող Լեռնային Ղարաբաղի (Արցախի) Հանրապետության շրջափակումը, որն հանգեցրել է անվտանգային, հումանիտար, տնտեսական լրջագույն ճգնաժամի։ Շրջափակման արդյունքում գոյաբանական խնդիրներ են առաջացել 120 հազար Արցախի քաղաքացիների համար։

Ադրբեջանի այս հանցավոր գործողությունները հակասում են 2020թ. նոյեմբերի 9-ի եռակողմ հայտարարության 6-րդ կետին, ըստ որի՝ Արցախի և Հայաստանի միջև կապն ապահովում է Բերձորի (Լաչինի) 5 կմ լայնությամբ միջանցքը, որով անխոչընդոտ պետք է իրականացվեն մարդկանց, մարդատար և բեռնատար տրասպորտային միջոցների տեղաշարժը:

Պաշտոնական Բաքուն հրաժարվում է ստանձնած պարտավորություններից, խախտում է միջազգային մարդասիրական իրավունքը, չի վերադարձնում հայ գերիներին և այլ պահվող անձանց, փորձում է Արցախում ստեղծել վախի մթնոլորտ, հոգեբանական ճնշումներ է գործադրում արցախահայության նկատմամբ՝ նպատակ ունենալով ցեղասպանություն իրականացնել և նոր պատերազմ սանձազերծել։

2023թ. մարտի 5-ին տեղի ունեցած ադրբեջանական դիվերսիայի հետևանքով Արցախի ոստիկանության 3 աշխատակից զոհվել է, կա 1 ծանր վիրավոր։ Ադրբեջանն իր ահաբեկչական քայլերով ցանկանում է ամբողջությամբ կլանել Արցախը՝ հակադրվելու դեպքում սպառնալով ավելի կոշտ քայլեր իրականացնել։

Վկայակոչելով 2022թ. հոկտեմբերի 6–ին Պրահայում ձեռք բերված համաձայնությունները և 2023թ. փետրվարի 18–ին Մյունխենում այդ համաձայնության վերահաստատումը՝ պաշտոնական Բաքուն խմբագրել է Բերձորի (Լաչինի) միջանցքի կարգավիճակին վերաբերող ձևակերպումները և դիմել ագրեսիվ գործողությունների, որն արտահայտվում է նաև Հայաստանի Հանրապետության նկատմամբ ադրբեջանական ծավալապաշտական վարքագծով։

Ադրբեջանը չի կատարում Արդարադատության միջազգային դատարանի 2023թ. փետրվարի 22-ի որոշումը, որով բարձր դատարանը պարտավորեցրել է Ադրբեջանին ձեռնարկել բոլոր միջոցները՝ երաշխավորելու Բերձորի (Լաչինի) միջանցքով քաղաքացիների, տրանսպորտային միջոցների եւ բեռների՝ երկու ուղղություններով անխափան տեղաշարժը:

Այս և նմանօրինակ այլ ռազմատենչ, ակնհայտ ցեղասպան նկրտումներ ունեցող գործողությունները հերթական անգամ ապացուցում են, որ Արցախը չի կարող լինել Ադրբեջանի կազմում, արցախահայության կյանքի իրավունքի ապահովման գրավականը Արցախի ժողովրդի ինքնորոշման իրավունքի երաշխավորված իրացումն է, որը, որպես միջազգային իրավունքի հիմնարար սկզբունք բազմիցս հաստատվել է նաև ԵԱՀԿ Մինսկի խմբի համանախագահող երկրների կողմից:

Բերձորի (Լաչինի) միջանցքը ներառելով կրիտիկական ենթակառույցները (գազատար, էլեկտրագծեր, կապ) Արցախի կյանքի ճանապարհն է, որի չգործելը հղի է ծանրագույն ռազմաքաղաքական, աշխարհաքաղաքական, հումանիտար հետևանքներով:

Ադրբեջանի ռազմատենչ վարքագիծը ևս մեկ անգամ ընդգծում է ռուսական խաղաղապահ զորախմբի առկայության և դրա մանդատի երկարաձգման անհրաժեշտությունը։ Զորակցելով Արցախում առաքելություն իրականացնող ռուս խաղաղապահներին՝ կոչ ենք անում Ռուսաստանի Դաշնությանը կիրառել բոլոր անհրաժեշտ միջոցներ՝ Բերձորի (Լաչինի) միջանցքի անխափան աշխատանքն ապահովելու և ադրբեջանական նոր սադրանքները, դիվերսիաները, ահաբեկչությունները կանխելու համար։

Կոչ ենք անում ՄԱԿ անվտանգության խորհրդի մշտական անդամներին պարտադրել Ադրբեջանին՝ կատարելու Բերձորի (Լաչինի) միջանցքին վերաբերող Արդարադատության միջազգային դատարանի որոշումը։

Արձանագրելով, որ Ղարաբաղյան հակամարտությունը վերջնական կարգավորում չի ստացել, դիմում ենք միջազգային հանրությանը, աշխարհի պետությունների խորհրդարաններին, միջազգային հումանիտար կազմակերպություններին, դատապարտել Ադրբեջանի ապօրինի քայլերն ու ռազմատենչ վարքագիծը, տալ համարժեք գնահատականներ։

Կոչ ենք անում արցախահայ մեր քույրերին ու եղբայրներին զինվել համբերությամբ, պայքարել հանուն սեփական անօտարելի իրավունքների, պահպանել զգոնությունը, գլխավոր հարցերում լինել միասնական։ Հայաստանի Հանրապետությունը տեր է կանգնելու սահմանադրությամբ, օրենքներով և նորմատիվ իրավական այլ ակտերով սահմանված իր հանձնառությանը։

Մանրամասները տեսանյութերում։

Zham.am

 

 

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan