Դադարեցնել Ադրբեջանի ցեղասպանական շրջափակումը Արցախի դեմ. Բուենոս Այրեսի հայության բողոքի ցույցը
![Դադարեցնել Ադրբեջանի ցեղասպանական շրջափակումը Արցախի դեմ. Բուենոս Այրեսի հայության բողոքի ցույցը](/timthumb.php?src=/disc/24-01-23/2bf68fa30208b9a79b5986696530430e.jpg&w=450)
Բուենոս Այրեսի հայ համայնքը հունվարի 23-ին ցույց է կազմակերպել Բուենոս Այրեսի Օբելիսկի մոտ՝ ցույց տալու Ադրբեջանի կողմից Արցախի Հանրապետության պաշարումը և 2022 թվականի դեկտեմբերի 12-ից Լաչինի շրջափակման հետևանքով Արցախում ստեղծված հումանիտար ճգնաժամը, գրում է «Diario ARMENIA»-ն:
Այդ օրը ժամը 17:00-ից սկսած, Արգենտինայի բոլոր տարիքի հայ քաղաքացիները հավաքվել են Հանրապետության հրապարակում՝ Արցախի շրջափակումը դատապարտող և միջանցքի անհապաղ բացում պահանջող պաստառներով:
«Լաչինի միջանցքը միակ մուտքն է կենսական պաշարների համար, ինչպիսիք են սննդամթերքը, դեղորայքը և էներգետիկ ռեսուրսները՝ հասնելու այնտեղ ապրող 120,000 հայ բնակիչներին (ներառյալ 30,000 երեխաներ և 20,000 տարեցներ), որոնք ապրում են այնտեղ», - նշել են կազմակերպիչները: Նրանց խոսքով, «սա Ադրբեջանի և նրա նախագահ Իլհամ Ալիևի ևս մեկ մանևր է` իրականացնելու էթնիկ զտումների ցեղասպանական նախագիծ տարածաշրջանի հայ բնակչության դեմ»:
«Որպես Արգենտինայի հայ քաղաքացիներ՝ մենք կոչ ենք անում մեր երկրի ժողովրդին և իշխանություններին համերաշխություն դրսևորել Արցախի բնակիչների հետ և բարձրացնել իրենց ձայնը, համապատասխան պահանջներ ներկայացնել միջազգային կազմակերպությունների առջև, որպեսզի Ադրբեջանը դադարեցնի անմարդկային վերաբերմունքը»,-հայտարարել են ակցիայի մասնակիցները:
«Միջազգային հանրությունը՝ Եվրամիությունը, ՄԱԿ-ը, Մինսկի խումբը անգործության են մատնված: Թեև Թուրքիայի հետ նավթի և գազի գործարքները կարևոր են, դաժանորեն պաշարված ժողովրդի կյանքը շատ ավելի կարևոր է: Արգենտինայի մեր կառավարությունը նույնպես պետք է իր ձայնը լսելի դարձնի այս առումով»,- «Diario ARMENIA»-ին ասել է Ռոզիտա Յուսեֆյանը:
![](/disc/24-01-23/c690e6774ea7545e1438ad44482db435.jpg)
![](/disc/24-01-23/80e0adf1000190133210daf2cd0714c4.jpg)
![](/disc/24-01-23/335441be6039cb7b5225cfee643c06b6.jpg)
![](/disc/24-01-23/35c79d8f0ca4fb471705482fe4ee3b8b.jpg)