Պետք չէ սպասել, որ բայրաքթարն ընկնի Երևանի կենտրոնում, պետք է արթնանալ և կասեցնել դա. Նինա Մարգարյան. Տեսանյութ

Ամեն ինչ կարելի է հանդուրժել, կարելի է հանդուրժել սխալներ քաղաքականության, տնտեսության մեջ, բայց այսօր մենք կանգնած ենք գոյատևման հարցի առաջ: «Դիմադրության շարժման» իրազեկման երթի ժամանակ ասաց մասնակիցներից Նինա Մարգարյանը:

«Դավաճանությունը հանդուրժել չի կարելի, դրա համար ես կարծում եմ, որ եթե մենք վերջապես արթնանանք որպես ազգ, սա մեր կլինի փորձություն՝ իսկապես մենք ա՞զգ ենք, մենք գիտակցո՞ւմ ենք, թե պետությունն ինչ է, շահն ինչ է, քաղաքացի լինելն ինչ է: Կարծում եմ, որ այս շարժումը կհաջողվի, եթե մարդիկ դուրս գան փողոց և գիտակցեն, որ իրենք ապրում են ոչ թե ինչ-որ հողակտորի վրա, այլ պետության մեջ»: