«Մեր քաղաքացիներն այս գնաճի պարագայում ավելի լավ են ապրում, քան 1-2 տարի առաջ». Քերոբյան
Դիտել նաև
Մշակույթի գործիչների ակցիայի ժամանակ կառավարության շենքի մոտ բերվեցին վահաններով ոստիկանների խմբեր
Կալանքի տակ գտնվող Էկոնոմիկայի նախկին նախարար Վահան Քերոբյանի դեմ դատարան հայցեր են ներկայացվում
«Զամմինիստրի», «գործիքների» ու գայլի դուրս թռած աչքերի մասին. «Փաստ»
Վահան Քերոբյանին տնային կալանք տրվեց
Վահան Քերոբյանը 2 տարի ուշացավ. «թրաֆիկինգի» ենթարկված մի նախարարի պատմություն (տեսանյութ)
ՀՀ էկոնոմիկայի նախարար Վահան Քերոբյանը համոզված է, որ ՀՀ քաղաքացիներն այս գնաճի պարագայում ավելի լավ են ապրում, քան 1-2 տարի առաջ։ Քերոբյանն իր տեսակետը հայտնեց կառավարության նիստից հետո լրագրողների հետ զրույցում։
«Այս տարի ունենք իրական տնտեսական աճ, որը սպասվածից ավելի շատ է։ Սա թույլ է տալիս ասել, որ մեր քաղաքացիները նույնիսկ այսքան բարձր գնաճի պարագայում ավելի լավ են ապրում, քան մեկ կամ երկու տարի առաջ»,–ասաց նախարարը։
Միևնույն ժամանակ Քերոբյանը նշեց, որ իրենք նույնպես շատ անհանգստացած են գնաճի մակարդակով։
«Թե՛ ներքին շուկայում, թե՛ ԵԱՏՄ գործընկերների հետ փորձում ենք գործիքներ գտնել, որպեսզի կարողանանք գնաճը զսպել։ Որոշակի ապրանքատեսակների մասով (շաքարավազ, միս) ԵԱՏՄ-ն արտոնյալ մաքսասակագնային քվոտաներ է սահմանել, ինչը հնարավորություն է տալու, որ այդ ապրանքախմբերը զուսպ գնաճ ունենան»,-ասաց Քերոբյանը։
Նրա խոսքով` իրենք աշխատանքներ են տանում Կենտրոնական բանկի և մրցակցության պաշտպանության հանձնաժողովի հետ, որպեսզի իրենց ունեցած գործիքներն օգտագործելով՝ զսպեն գնաճը «հատ–հատ առանձին ապրանքային խմբերում»։
Անդրադառնալով իրական տնտեսական աճի այս տարվա ցուցանիշներին` նա նշեց, որ այն 4.5-6 տոկոսի միջակայքում կլինի։
Աղբյուր՝ armeniasputnik.am
Հետևեք մեզ Facebook-ում