«Դավաճա՞ն, թե՞ անգրագետ». ի՞նչ էին իրենց ելույթներում ակնարկում Վլադիմիր Պուտինն ու Մովսես Հակոբյանը

Ինչպես և ակնկալվում էր, Արցախյան պատերազմից հետո ջրի երես են դուրս գալիս այն բոլոր խնդիրները, որոնք և հանգեցրեցին հայկական կողմի պարտությանը և Նիկոլ Փաշինյանի կողմից ստորագրված կապիտուլյացիոն փաստաթղթի:

Եթե օրեր առաջ ՌԴ նախագահ Վլադիմիր Պուտինն իր հարցազրույցում ներկայացրեց Նիկոլ Փաշինյանի կողմից իրականացված սխալ գործողությունների շարքը թե՛ ներքին քաղաքականության ասպարեզում, որտեղ, ըստ Պուտինի` չէր կարելի պատերազմող երկրի հասարակությունը պառակտել, և թե՛ դիվանագիտական սխալները, որոնք հանգեցրեցին նրան, որ փոխանակ պատերազմը կանգ առներ հոկտեմբերի 20-ին և Շուշին մնար կանգուն ու լիներ ռուս խաղաղապահների վերահսկողության ներքո, Փաշինյանը գերասասեց մերժել ՌԴ նախագահի առաջարկը և հանձնել թշնամուն «դժբախտ և դժգույն Շուշին»: Պուտիննիր հարցազրույցում նաև հատուկ ընդգծեց, որ Շուշիի հանձնումը երբեք չի եղել բանակցային կետերից մեկը, այլ այն ի հայտ եկավ պատերազմական գործողությունների ժամանակ, երբ հայկական կողմը նահանջում էր: Եվ վերջում արդեն ստիպված եղավ ընդունել թշնամու ստորացուցիչ պայմանները:

Իսկ ահա թե ինչու էր նահանջում հայկական բանակը, իր ծավալունասուլիսում մանրամասն ներկայացրեց գեներալ-գնդապետ Մովսես Հակոբյանը:

Հակոբյանի խոսքերից մենք հստակ հասկացանք, որ Փաշինյանն անգրագետ է ոչ միայն դիվանագիտական աասպարեզում,այլ նաև, մեղմ ասած, չի փայլում իր կազմակերպչական ունակութուններով և ահասարակ` չի տիրապետում ռազմական արվեստի նրբություններին:

Իհարկե, մարդ, ով չի ծառայել բանակում և իր կյանքի գիտակից շրջանում շատ չի էլ հետաքրքրվել ռազմական արվեստի նրբություններով, կարող է բազում մանրամասներ չիմանալ, սակայն պետք չէ ռազմական վարժարան ավարտել, որպեսզի հասկանաս, որ «Տոռ» համակարգեր գնելու փոխարեն գնելով «ՍՈւ-30»-ններ, այնէլ`առանց զինամթերքի, դու վտանգում ես երկրիդ հակօդային պաշտպանությունը:

Գուցե այլ շահագրգռվածություն է եղել «Տոռ»-երի ու «Սմերչեր»-ի փոխարեն «ՕՍԱ»-ներ և «ՍՈՒ» - եր գնելու մեջ,դա ցույց կտա ապագան: Մեզ մնում է միայն արձանագրել այս իրողությունը:

Մենք պետք է արձանագրենք նաև այն, որ առնվազն անհեռատեսություն է պատերազմող երկրում կրճատել 5 գունդ: Ձեզ նույնպես պետք չէ ռազմական մասնագետ լինել ՝ հասկանալու համար, որ պատերազմող երկրում չի կարելի կանգնեցնել լրահամալրումը:

Վլադիմիր Պուտինն ու Մովսես Հակոբյնանն իրենց հրապարակային ելույթներում ընդգծեցին, որ չեն կարծում, թե վարչապետ Փաշինյանը դավաճան է, սակայն այն իրողությունները, որոնք նրանք ներկայացրեցին, ամեն ինչից զատ խոսում են այն մասին, որ Հայաստանի ղեկավարը կոմպետենտ չէ, որ նա տապալել է իրեն վստահած ոլորտները թե՛անվտանգության առոմով, թե՛արտաքին դիվանագիտության առումով: Հավելենք սրան նաև առողջապահական կոլապսը, որն առանց այդ էլ առկա էր կորոնավիրուսի պայմաններում, և սոցիալական աղետը, որը մեզ սպասում է մոտական ժամանակներում որպես պատերազմի անխուսափելի հետևանք, և պատկերն ամբողջական կդառնան:

Իսկ դավաճան է արդյոք Փաշինյանը, թե` ոչ,վերոնշյալ և մի շարք այլ սխալներն արվել են միտումնավոր, թե` ոչ, պարզ կդառնա համապետական և, եթե կուզեք, համահայկական փաստահավաք խմբի գործունեության արդյունքում, որը կվերլուծի ոչ միայն պետարզմի ավելի քան 40 օրերը, այլ նաև դրանք նախորդող իրողոևթյունները, որոնց արդյունքում Հայաստանը մնաց միայնակ Թուրքիայի, Ադրբեջանի, Պակիստանի և ահաբեկիչների դեմ, իսկ պատերազմին մոտեցավ պառակտված հասարակությունով և անգրագետ ռազմաքաղաքական ղեկավարությամբ:

Սևակ Դանիելյան