Աշխարհահռչակ ծովանկարիչ Հովհաննես Այվազովսկու կիսանդրին տեղադրվել է Սիմֆերոպոլի օդանավակայանի հրապարակում. Լուսանկար

9 Նոյեմբեր, 2020 16:11

Դիտել նաև

Բագրատ Սրբազանի գլխավորած շարժումը երթով գալիս է Երևան. օր 5–րդ՝ ՈւՂԻՂ Շուշիի անկման համար մեկին դատում են, մյուսին՝ պաշտոն տալիս Ադրբեջանը կհրաժարվի՞ Շուշիի հռչակագրից (տեսանյութ) Ադրբեջանցիները ճանապարհ են կառուցում Շուշիի պատմական գերեզմանատան միջով․ Caucasus Heritage Watch (լուսանկարներ) Ալիևը, կինը և որդին այցելել են Քարվաճառ և Շուշի

Սիմֆերոպոլի օդանավակայանում, որը կրում է ծովանկարիչ Հովհաննես (ռուսերեն Իվան - խմբ.) Այվազովսկու անունը, տեղադրվել է նրա կիսանդրին՝ ուղևորների համար նախատեսված տերմինալի հարևանությամբ, հրապարակում: Այս մասին հաղորդում է «ՌԻԱ Նովոստի»-ի թղթակիցը:

«Այսօր մենք կբացենք մեծ անձին՝ Հովհաննես Կոնստանդինի (Այվազովսկի) նվիրված հուշարձան... Դուք գիտեք՝ օդանավակայանի տերմինալը կառուցված է ծովի ալիքի կոնցեպտով: Սա մեզ համար մեծ պատասխանատվություն է: Եւ ցանկանում են շնորհակալություն հայտնել բոլորին, ովքեր քվեարկել են Հովհաննես Այվազովսկու համար, որով անվանվել է Սիմֆերոպոլի օդանավակայանը», - ասաց բացման արարողությանը օդանավակայանի գլխավոր տնօրեն Եվգենի Պլակսինը:

Հովհաննես Այվազովսկին ծնվել է Մոլդովայից գաղթած հայ մանր առևտրական Գևորգ Այվազի (Հայվազ, ապա՝ Կոստանդին Հայվազովսկի) ընտանիքում: Թեոդոսիայի հայկական եկեղեցու ծննդյան և մկրտության մատյանում Այվազովսկու ծնունդը գրանցված է՝ Գևորգ Այվազյանի որդի Հովհաննես: Սովորել է Թեոդոսիայի հայկական ծխական դպրոցում, 1830–33 թթ-ին՝ Սիմֆերոպոլի ռուսական գիմնազիայում, 1833–37 թթ-ին՝ Սանկտ Պետերբուրգի Գեղարվեստի ակադեմիայում: Ուսումնառության տարիներին «Անդորր» կտավի համար արժանացել է ակադեմիայի առաջին կարգի Ոսկե մեդալի և գործուղվել Ղրիմ, որտեղ ստեղծած նկարներն աչքի են ընկնում ինքնատիպությամբ, տեսարանի հավաստի պատկերմամբ: 1840 թ-ին ակադեմիան նրան գործուղել է արտասահման` կատարելագործվելու. եղել է Իտալիայում (նաև Սբ Ղազար կղզում), Իսպանիայում, Ֆրանսիայում, Անգլիայում, Հոլանդիայում, մասնակցել է ցուցահանդեսների, արժանացել համընդհանուր ճանաչման:

1844 թ-ին Այվազովսկին վերադարձել է Ռուսաստան, նշանակվել Ծովային գլխավոր շտաբի ծովանկարիչ: 1845 թ-ից մշտապես բնակվել է Թեոդոսիայում, ստեղծել է 1853–56 թթ-ի Ղրիմի պատերազմին նվիրված մարտանկարներ («Ծովամարտ», 1855 թ., «Սևաստոպոլի պաշտպանությունը», 1859 թ.), պաշարված Սևաստոպոլում բացել է ցուցահանդես, ոգևորել և օգնել քաղաքի պաշտպաններին:

Zham.am