Forbes.Ղարաբաղում թուրքերը վրեժ են լուծում Ռուսասատանից Լիբիայի համար. Լուսանկար, Տեսանյութ

Թուրքիայի ռազմական գործունեությունը Ադրբեջանի և Լիբիայի օդանավակայաններում հարցեր է առաջացնում այդ երկրներում Անկարայի նպատակների և հակամարտությունների վերաբերյալ, գրում է Forbes- ի սյունակագիր Փոլ Իդդոնը:

«Հոկտեմբերի 3-ին արված արբանյակային պատկերների վրա, Գյանջայի միջազգային օդանավակայանում հայտնաբերվել է երկու F-16 կործանիչ: New York Times-ի կողմից պատրաստված Planet Labs-ի արբանյակային պատկերների վերլուծությունը ցույց է տվել, որ ինքնաթիռները պատկանում են Թուրքիայի օդուժին:

Ադրբեջանի ռազմաօդային ուժերը չունեն F-16: Նկարներում պատկերված է նաև CN-235 տրանսպորտային ինքնաթիռին նման մի բան, որը, ըստ Times-ի, նույնպես պատկանում է Թուրքիային», - նշում է փորձագետը:

Նրա խոսքերով, շուտով կերեւա, թե որքանով է Թուրքիան պատրաստ ռազմական ճանապարհով անմիջականորեն ներգրավվել ղարաբաղյան հակամարտության մեջ:

Ավելի վաղ Middle East Eye-ի աղբյուրը պարզաբանել էր, որ թուրքական F-16 ինքնաթիռները դուրս են բերվել օդանավակայանից հոկտեմբերի 4-ին՝ Գյանջայի ուղղությամբ հրթիռային հարձակումներից հետո:

Իդոնը ենթադրում է, որ Լեռնային Ղարաբաղի հակամարտության գոտում թուրքական օդուժի ներկայությունը փորձ է պատասխանել Լիբիայի Ալ-Ջուֆրա ավիաբազայում ռուսական ՄիԳ-29 կործանիչների ու Սու-24 ռմբակոծիչների գաղտնի տեղակայմանը, որը վերահսկվում է Լիբիայի ազգային բանակի (ԼՆԱ) կողմից: «Այս քայլը կատարեց Կրեմլը, որպեսզի նախազգուշացնի Ազգային համաձայնության կառավարության (ԱՀԿ) կողմից աջակցվող Թուրքիայի ուժերը՝ չհարձակվել Ալ-Ջուֆրայի և Սիրտ քաղաքի վրա»,- նշում է Forbes ամսագրի հեղինակը:

Անհասկանալի է, թե որքանով է Թուրքիան ցանկանում առաջ շարժվել Լիբիայում իր ռազմական կարողությունները զարգացնելու գործում, որպեսզի հանկարծ շրջադարձ կատարի հօգուտ Ազգային համաձայնության կառավարության: Ալ-Վաթիայի վրա հարձակումը, ամենայն հավանականությամբ, նախազգուշացում էր Լիբիայի ազգային բանակի օտարերկրյա հովանավորների համար, որ նրանք չեն հանդուրժի ավելի մեծ թուրքական ռազմական ներկայությունը Հյուսիսային Աֆրիկայի երկրում, որը 2011 թվականից քաղաքացիական պատերազմի մեջ է:

Zham.am