Ի՞նչ դիրքորոշում ունեն Չինաստանը, Իրանը, Հնդկաստանը և Պակիստանը հայ-ադրբեջանական կոնֆլիկտի վերաբերյալ
Միջազգային վերլուծաբանները շարունակում են քննարկել այն, թե որ երկիրն ինչ դիրքորոշում ունի ղարաբաղյան հակամարտության վերաբերյալ, ռազմաճակատում տիրող իրավիճակի մասին, մասնավորապես:
Թեև երկրների մեծ մասը պահպանում են չեզոքություն, այնուամենայնիվ, դիտորդները նկատում են, որ այդ չեզոքությունը կարող է ժամանակի ընթացքում փոփոխվել: Օրինակ, Պակիստանը հստակ հայտարարեց, որ աջակցում է Ադրբեջանին: Պատճառը հասկանալի է, նրանք էլ ունեն Հնդկաստանի հետ Քաշմիրի չլուծված հարցը, և համեմատելով այն Ղարաբաղի հետ համարում են Կովկասում նույնպես ընթանում է կրոնական հակամարտություն: Դրա արդյունքում Հնդկաստանի հանրային կարծիքը դարձավ հայերի օգտին: Ու թեև պաշտոնական Դելին հայտարարեց իր չեզոքության մասին, շարքային հնդիկները չեն թաքցնում, որ ցանկանում են, որ հայերը հաղթեն այս պատերազմում:
Ինչ վերաբերվում է Իրանին, ապա այստեղ իրավիճակը շատ բարդ է: Մի կողմից Իրանը մահմեդական երկիր է, սակայն մյուս կողմից՝ Թեհրանը զգուշանում է Ադրբեջանի հզորացումից, մանավանդ, որ նրա հետևում կանգնած է Թուրքիան: Այստեղ համարում են, եթե թուրքերը հաջողության հասնեն, ապա դա կարող է իր ազդեցությունը թողնել Իրանի ադրբեջանցիների ազգային ոգու բարձրացման վրա: Հենց դրա պատճառով էլ գրեթե ողջ իրանական վերնախավը այն կարծիքին է, որ պետք է ծածուկ կերպով աջակցել Հայաստանին, որպեսզի ադրբեջանցիներն ու թուրքերը իրենց նպատակին չհասնեն:
Սակայն պաշտոնական իրենց դիրքորոշմամբ, Թեհրանը հայտարարում է չեզոքության մասին:
Նույն վիճակում է գտնվում Չինաստանը: Այս երկիրը նույնպես հայտարարեց իր չեզոքության մասին, սակայն գրեթե ողջ չինական վերնախավը այն կարծիքն ունի, որ եթե Էրդողանի դիրքերը մեր տարածաշրջանում ուժեղանա, ապա դա կսպառնա Չինաստանին, ով իր տարածքում ունի թուրքալեզու ույգուրների խնդիրը: Ահա թե ինչու չինական մամուլը անրադառնալով այս խնդրին կարևորում է Հայաստանին աջակցության հարցը: Ընդորում այդ աջակցությունը, նշում են չինացի վերլուծաբանները, չպետք է միայն տնտեսական բնույթով սահմանափակվի:
Zham.am
Հետևեք մեզ Facebook-ում