Արսեն Խառատյանը չի՞ հերքում, որ պաշտոնանկությունից հետո գաղտնի հանդիպումներ է ունեցել ադրբեջանցիների հետ

Ինչպես հայտնի է ադրբեջանական լրատվամիջոցներից մեկը սենսացիոն տեղեկատվությամբ է հանդես եկել`  նշելով, որ 2018-ի իշխանափոխությունից հետո Նիկոլ Փաշինյանի խորհրդական Արսեն Խառատյանն իր պաշտոնանկությունից հետո Նիկոլ Փաշինյանի անունից մի քանի գաղտնի հանդիպումներ է ունեցել Իլհամ Ալիևի ներկայացուցիչների հետ՝  մի շարք հակահայկական առաջարկություններ անելով:

Ի պատասխան դրա Արսեն Խառատյանը իր ֆեյսբության գրառման մեջ նշեց  բառացի հետևյալը. «...Անիմաստ եմ համարում իշխանությունն ամեն գնով փրկել փորձող Ալիևի խամաճիկային մեդիաներին արձագանքելը, սակայն ներհայաստանյան տիրույթում հնարավոր շահարկումներից խուսափելու համար հստակեցնեմ. ՀՀ վարչապետի խորհրդական աշխատելու կարճ ժամանակահատվածում, ես որևէ ադրբեջանցի պաշտոնյայի հետ, որևէ հարց չեմ քննարկել...»:

Ուշադրություն դարձնենք, որ Խառատյանը հերքում է, որ  իր խորհրդական աշխատելու ժամանակահատվածում հանդիպել է ադրբեջանցի պաշտոնյաի հետ: Մինչդեռ ադրբեջանական լրատվամիջոցը չի նշել, որ Խառատյանը հենց այդ փուլում է հադիպումներ անցկացրել: Ճիշտ հակառակը,  ադրբեջանցիները նշում են, որ «...Խառատյանը հանդիպումները անցկացրել է իր պաշտոնանկությունից հետո...»: Մինչդեռ Խառատյանը ոչինչ չի ասում,  թե այդ փուլում ինքը ադրբեջանցիների հետ հանդիպումներ ունեցե՞լ է, թե՝ ոչ:

Ցանկացած հոգեբան կհավաստեր, որ եթե Խառատյանը ցանկանար լիարժեք հերքեր ադրբեջանցիների լրատվությունը, ապա կհայտարարեր, որ «չի հանդիպել Ալիևի ներկայացուցիչներին, ոչ խորհրդականի կարգավիճակի ժամանակ, ոչ էլ պաշտոնանկությունից հետո»: Մինջդեռ, Խառատյանը նշում է, որ «չի հանդիպել երբ պաշտոնը դեռ չեր թողել»: Մի բան, որ չեն պնդում նաև ադրբեջանցիները:

Այսպիսով ստացվում է, որ Արսեն Խառատյանը իրականում չի հերքում ադրբեջանցիների տեղեկատվությունը:

Խառատյանը հստակ պետք է հերքի ադրբեջանցիների կոնկրետ պնդումը, հակառակ դեպքում կարող ենք պնդել, որ «ադրբեջանցիները ճիշտ են, Արսենը՝ սխալ»:

Սակայն դա էլ հերիք պետք է չլինի: Տվյալ պարագայում պետք է Խառատյանին կանչել Հայաստան, և նրան ստուգել «ստի դետեկտորի» միջոցով, որը  տարածված է շատ երկրներում:

Պետք է նշել, որ ինքնին Խառատյանի անձը այստեղ երկրորդական է: Պարզապես, երբ նշվում է, որ գաղտնի բանակցություններ է անցկացրել Իլհամ Ալիևի ներկայացուցչի հետ Փաշինյանի անունից, այս պարագայում Խառատյանի  գործնեության մոտիվը դառնում է   անչափ կարևոր երկրի անվտանգության համար:

Իսկ այս համատեքստում անտեսել ադրբեջանական լրատվամիջոցի տեղեկատվությունը կլինի անպատասխանատու քայլ Հայաստանի քաղաքական դասի կողմից:

Սա է իրականությունը:

Արտակ Հակոբյան