РБК-ին տված հարցազրույցի կապակցությամբ չորս խորհուրդ Նիկոլ Փաշինյանին
Նիկոլ Փաշինյանի հարցազրույցի մի քանի դրվագ արժե ուշադրության առարկա դարձնել, խորհուրդի կարգով, քանզի դա վերաբերվում է ոչ միայն Փաշինյանին, այլև երկրի շահերին:
Առաջին
Երբ Փաշինյանն նշում է, որ հայերի ռազմական հաջողությանը զարմացել էին ոչ միայն աշխարում, այլև Հայաստանում, դրանով Փաշինյանը միգուցե չհասկանալով նսեմացնում է մեր բանակին: Ստացվում է, որ հայկական բանակի ուժին չէին հավատում ոչ միայն դրսում, այլև Հայաստանում: Փաշինյանն դա ասում է, որպեսզի ցույց տա, թե իբր իր շնորհիվ է, որ բանակը դարձել է այդքան ուժեղ: Իբր երկու տարվա բարեփոխումների արդյունքում հայկական բանակը կարողանում է արդեն պաշտպանել իր դիրքերը ադրբեջանցիներից: Սա խորը գավառամտություն է, որը ոչ միայն ծիծաղելի է, այլև վարկաբեկում է մեզ բոլորիս: Փաշինյանն իրավունք չունի իր նեղ շահերի համար ծիծաղի առարկա դարձնել մեր բանակին, որի հաջողությանը, ըստ Փաշինյանի, նույնիսկ Հայաստանում էլ շատերը չէին հավատում:
Երկրորդ
Երբ Փաշինյանն ասում է, թե իբր ինքն Մարգարիտա Սիմոնյանի նամակին ծանոթ չէ, և պարզապես լսել է դրա մասին, դա ցույց է տալիս իր, մեղմ ասաց, ոչ անկեղծ լինելը: Ընդ որում դա տեսանելի է, թե ռուսների և թե հայերի համար: Եթե ինքն համարում է, որ իր համար հարիր չէ Սիմոնյանի նամակը կարդալը և խոստովանելը դրա մասին, դա ցույց է տալիս իր ժամանակակից պատկերացումներից հեռու լինելը:
Դրանից հետո նրա բոլոր մյուս մտքերը խիստ վերապահումով կսկսեն ընկալվել:
Երրորդ
Ճիշտ է ասում Փաշինյանը, որ Մոսկվան չպիտի իր հարաբերությունները շաղկապի անձերով, սակայն այն թեզը, թե դաշնակիցներ են ժողովուրդները, այլ ոչ թե անձերը այդքան էլ չի հաստատվում այլ օրինակներով: Հայտնի է, որ բուլղար ժողովուրդը նույնպես իրեն համարում է դաշնակից ռուսներին, սակայն Բուլղարիան վաղուց դարձել է ԵՄ-ի և ՆԱՏՕ-ի անդամ: Դա չի խանգարում, որ բուլղարացիները իրենց ռուսներին համարեն դաշնակից: Նույնը վերաբերվում է սերբերին: Այս ժողովուրդը նույնպես ռուսներին համարում է դաշնակից, սակայն այդ երկրի կառավարությունը համառորեն բանակցում է ԵՄ անդամ դառնալու համար:
Հիշեցնենք, որ Սաակաշվիլին նույնպես Պուտինի հետ հանդիպման ժամանակ նշում էր, որ վրաց և ռուս ժողովուրդների միասնությունը դեռ 200 տարի առաջ էր հաստատվել և այսօր էլ համատեղ ընդհանուր հավատքը ամրապնդելու է երկու ժողովուրդներին թե ինչ եղավ հետո, գիտենք բոլորս:
Այդ իմաստովՄոսկվան ինչպես ասում են «արցունքներին չի հավատում »:
Եվ չարժե հետագայում կրկնել Սաակաշվիլիի ոճը. դա կարող է հակառակ էֆեկտն ունենալ ռուսների վրա:
Չորրորդ
Այն թեզը, թե հակառուսական կազմակերպություններն ձևավորվել են դեռ նախորդների ժամանակ, ճիշտ է: Սակայն ճիշտ է նաև այն, որ նախորդները չէին հայտարարել, որ «Ապրիլյան պատերազմն հրահրված է եղել Մոսկվայի կողմից, կամ, որ Հայաստանը պիտի դուրս գա ՀԱՊԿ-ից և ԵԱՏՄ-ից»: Այդ մասին նախկիններն չեն հայտարարել, իսկ Փաշինյանն հայտարարել է: Ինչ վերաբերվում է ռուսաֆոբներին, ապա ճիշտ է նրանք ձևավորվել են նախկինների օրոք, սակայն այսօր են ազդեցիկ տեղեր զբաղեցնում երկրի պետական համակարգում,- ասել է նա:
Եվ դա տեսանելի է բոլորի համար:
Արտակ Հակոբյան
Հետևեք մեզ Facebook-ում