Գույքահարկի դրույքաչափերի փոփոխություններից հետո ոչ միայն ունևորները, այլ բոլորը սկսելու են ավելի շատ հարկ վճարել․ գույքահարկը միջինում 4 անգամ բարձրացնելը ճիշտ չէր․ տնտեսագետ. Տեսանյութ
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Գույքահարկի նոր քաղաքականությունը՝ շինարարության ոլորտի սպառնալիք
«Բարգավաճ Հայաստան». Երևանի բազմաբնակարան շենքերում գույքահարկը կաճի 30 անգամ
Թագուհի Թովմասյանը չի քվեարկել գույքահարկի բարձրացմանը վերաբերյալ օրենքի նախագծին
Նախագահը ստորագրել է գույքահարկի վերաբերյալ օրենքը` այն համարելով ժամանակավրեպ
Ինչ կլինի, եթե թոշակառուները չկարողանան վճարել գույքահարկը
Գույքահարկի դրույքաչափերի փոփոխություններից հետո ոչ միայն ունևորները, այլ բոլորը սկսելու են ավելի շատ հարկ վճարել, բայց ունևորներն էլ ավելի շատ են վճարելու։ Այս մասին Tert.am-ի հետ զրույցում ասաց Կովկասի ինստիտուտի գիտաշխատող, տնտեսագետ Հրանտ Միքայելյանը։
«Բոլորի համար գույքահարկը կավելանա։ Դա իրականում ճիշտ է, որովհետև դեռ վերջին անգամ 2003 թ-ին է վերանայվել անշարժ գույքերի կադասրային արժեքը և հիմա այն ավելի ցածր է, քան իրական շուկայական արժեքն է և կարիքը կար մոտեցնելու։ Խնդիրը նրանում էր, թե որքան պետք է բարձրացվեր գույքահարկը։ Կարծում եմ՝ միջինում 4 անգամ գույքահարկը բարձրացնելը ճիշտ չէր»,- ասաց նա։
Պետությունը ակնկալում է, որ գույքահարկի նոր դրույքաչափերով միջինում համայնքային բյուջեների եկամուտները կաճեն 4․3 անգամ․ «Հասարակության տարբեր շերտերի համար այն կարող է աճել մինչև 8 անգամ։ Իհարկե, լիարժեք սոցիալական արդարությունը սրանով չի վերականգնվի, ուղղակի այլ խմբեր համեմատական առավելություն կստանան»,- նշեց տնտեսագետը։
Բացի այդ, ըստ նրա՝ համայնքների բյուջեների կառավարումը ոչ միշտ է արդյունավետ եղել, իսկ եկամուտների ավելացման դեպքում շատ դժվար է լինելու վերահսկողություն իրականացնելը։
«Այլ հարց է, թե պետական դոտացիաները ինչպես կփոխվեն։ Եթե ցանկություն կա ֆինանսների նախարարությունում՝ պետական բյուջեից այդ դոտացիաների բեռը հանել և ուղղակի համայնքային բյուջեները ավելացնել գույքահարկով, սա հասկանալի միտում է։ Եթե դոտացիաները կնվազեն, հավանաբար հենց այդպես կլինի, այստեղ ուղղակի պետությունը փորձում է համայնքների բյուջեների ապահովումն իր ուսերից տեղափոխել դեպի քաղաքացիներ»,- ասաց Հրանտ Միքայելյանը։
Տնտեսագետը նաև սխալ է համարում ճգնաժամային իրավիճակում գույքահարկերի բարձրացումը․ «Ճիշտ է, ընդունված տարբերակով դա ավելի ուշ կսկի գործել՝ 2026 թ-ից ամբողջությամբ, բայց 2022 թ-ից արդեն սկսելու է տարեցտարի ավելանալ հարկերը։ Կարելի էր այդ քննարկումը հետաձգել, որպեսզի ավելորդ սոցիալական լարվածություն չլիներ»։
Հիշեցնենք, որ Հարկային օրենսգրքում փոփոխությունները ԱԺ-ի կողմից աամբողջությամբ ընդունվել են և 2021 թվականի հունվարի 1-ից գույքահարկը հաշվարկվելու է տվյալ գույքի ոչ թե կադաստրային, այլ շուկայականին մոտարկված արժեքի հիման վրա։ Գույքահարկի դրույքաչափերի փոփոխության նպատակը, ըստ Կառավարության՝ տեսանելի հարստության կամ ունեցվածքի համարժեք հարկում ապահովելն է։
Մանրամասները՝ տեսանյութում։
Հետևեք մեզ Facebook-ում