Արցախում հաստատվել է COVID-19-ի 3 նոր դեպք․ ծանր վիճակում գտնվող պացիենտն ապաքինվել է

18 Հունիս, 2020 14:16

Դիտել նաև

Մեկ շաբաթում Հայաստանում հաստատվել է կորոնավիրուսի 142 նոր դեպք․ գրանցվել է 3 մահ Կորոնավիրուսային հիվանդության իրավիճակը Հայաստանում Կորոնավիրուսային հիվանդության իրավիճակը Հայաստանում Սեպտեմբերի 18-ի դրությամբ Հայաստանում պատվաստումների ընդհանուր թիվը 2 252 516 է Հայաստանում գրանցվել է կորոնավիրուսային հիվանդության 2142 նոր դեպք, 10 մահ

Արցախում հաստատվել է կորոնավիրուսային հիվանդության ընդհանուր 94 դեպք, որոնցից 56-ը` բուժված:

Այս մասին տեղեկացնում են ԱՀ առողջապահության նախարարությունից և հավելում, որ նոր կորոնավիրուսային վարակի բռնկման օջախ է հայտնաբերվել Մարտակերտի շրջանում:

Շրջանի համայնքներից մեկում 2 նոր դեպք է հաստատվել: Թեստավորման արդյունքում COVID-19-ը հաստատվել է նաև Հադրութի շրջանում՝ նախկինում հաստատված վարկակակիրների կոնտակտավորներից մեկի մոտ: Այսպիսով` վերջին 24 ժամվա ընթացքում, կա կորոնավիրուսային հիվանդությամբ հաստատված 3 նոր դեպք։

«Ծանր վիճակում հանրապետական բժշկական կենտրոն տեղափոխված քրոնիկ հիվանդություններ ունեցող և կորոնավիրուսի ախտորոշմամբ քաղաքացին բուժանձնակազմի ջանքերի շնորհիվ կազդուրվել և այսօր դուրս է գրվել հիվանդանոցից: Հիվանդությունը հաղթահարել է ևս մեկ անձ, առողջացածների թիվն արդեն հասել է 56-ի»,- հայտնում են ԱՀ առողջապահության նախարարությունից:

COVID-19-ով վարակված մյուս քաղաքացիների առողջական վիճակը գնահատվում է բավարար:

Արցախում ընդհանուր առմամբ թեստավորվել է 1 520 մարդ, կա 95 մեկուսացված անձ։ Մահվան դեպքեր չկան: