Ի՞նչ պետք է անել, որ Հայաստանում կորոնովիրուսի տարածումը շտապ կանխվի

Այսօր արդեն մեծ փորձ է կուտակվել կորոնովիրուսի դեմ պայքարի հարցում: Սակայն այս համաճարակի դեմ պայքարում տարբեր երկրներ տարբեր ցուցանիշներ են գրանցել, խիստ բացասականից մինչև խիստ դրական: Օրինակ` Իտալիայում իրավիճակը բաց թողնվեց և այդ երկիրը հայտնվել է լուրջ վիճակի մեջ: Նույնը վերաբերվում է նաև Իրանին: Նրանցից հետ չեն մնում Ֆրանսիան և Իսպանիան:

Մինչդեռ կան երկրներ որտեղ այս համաճարակը գրեթե կանգ է առել,  և այդ իսկ առիթով Հայաստանի պատկան մարմինները պարտավոր են ուսումնասիրել այդ փորձը: Խոսքն առաջինը վերաբերվում է չինական փորձին: Առաջինը Ուհան նահանգում, որտեղ  չինացիները կարողացան փաստացի կանխել համաճարակի զարգացումը, երկրորդը վերաբերվում է` Հարավային Կորեան: Այստեղ նույնպես համաճարակը գրեթե հաղթահարվել է, ընդ որում առանց ռազմական դրություն մտցնելու:

Եվ այսպես ո՞րն է գաղտնիքը:

Ըստ կորեացի փորձագետների` գաղտնիքը կայանում է պրոֆիլակտիկ միջոցների էֆեկտիվ օգտագործմանը: Օրինակ, Հարավային Կորեայում թեստավորման են ենթարկվել ավելի քան 270 հազար քաղաքացի և արդյունքում վիրուսի տարածման վտանգը գրեթե կանխվել է: Այսինքն մեկ միլիոն մարդու հաշվին ստուգվել է ավելի քան 5000 քաղաքացի:

Օրինակ` Հայաստանում ստուգման ենթակա պիտի լինեին մոտ 15 000 քաղաքացի: Մինչդեռ այսօր մեզ մոտ կարանտինի տակ է ընդամենը մի քանի հարյուր մարդ: Կառավարությունը հենց այս պահին պետք է բանակցի դրսի մեր գործընկերների հետ ձեռք բերելու համար մոտ 15 000 հազար թեստ: Պետք է կազմակերպվեն ժամանակավոր կեցավայրեր այդ 15 000 մարդկանց համար: Միաժամանակ Հայաստան վերադարձող բոլոր քաղաքացիները պետք է պարտադիր կերպով անցնեն կարանտինի:Ոչ մեկի համար բացառություն չպետք է արվի:

Եթե կառավարությունը չգնա այդ կտրուկ քայլերին, ապա երկրում հիվանդների թիվը կարող է աճել երկրաչափական պրոգրեսիայով, և ինչ- որ պահի իրավիճակը կարող է դուրս գալ վերահսկողությունից:

Քանի ուշ չէ իշխանությունը պետք է արձագանքի հենց այս պահին, որպեսզի, ասենք, շաբաթներ անց չհայտարարի երկրով մեկ ռազմական դրություն ինչպես Ֆրանսիայում է կամ Իտալիայուն: Եվ չհայտարարի, որ մենք մեղավոր չենք. եվրոպայում էլ է այս վարակը զարգացել:

Արտակ Հակոբյան