ԱԺ ընտրությունների 23 տարվա քրոնիկոն՝ 1995-2018 (Տեսանյութ)

1995 թվական

Հայաստանի երրորդ հանրապետության առաջին խորհրդարանական ընտրությունները տեղի են ունեցել 1995 թ-ի հուլիսի 5-ին՝  Սահմանադրության ընդունման օրը:
Մեծամասնական կարգով ընտրությունների երկրորդ  փուլը տեղի է ունեցել 1995 թվականի հուլիսի 29-ին։

Ընտրություններին մասնակցել է  1 մլն 183 հազար 573  ընտրող: 

Այս ընտրություններին մասնակցել է 13 քաղաքական ուժ, որոնցից 4-ը կարողացան հաղթահարել անցողիկ 5 տոկոսի շեմը և անցնել խորհրդարան՝ 

Հանրապետություն բլոկ՝ 42.66 %,
Շամիրամ՝ 16.88 %,
Հայաստանի կոմունիստական կուսակցություն՝ 12.10 %,
ԱԺՄ՝ 7,51 %,
ԱԻՄ՝ 5,57 %:

Անկախ պատգամավորների կողմից ստեղծվեց «Բարեփոխումներ»  խմբակցությունը:

Ընտրությունների արդյունքում խորհրդարան անցավ 190 պատգամավոր, որոնցից 150-ը մեծամասնական, իսկ 40-ը՝ համամասնական ընտրակարգով։

Խորհրդարանի նախագահ ընտրվեց Բաբկեն Արարքցյանը, փոխխոսնակներ՝ Կարապետ Ռուբինյան և Արա Սահակյան:

1999 թվական

Երկրորդ գումարման խորհրդարանի ընտրությունները տեղի են ունեցել 1999 թվականի մայիսի 30-ին:
Ընտրողների ընդհանուր թիվը՝ 2 մլն 198 հազար 544, որոնցից ընտրություններին մասնակցել է 1 մլն 137 հազար 660-ը:

Խորհրդարան անցան 131 պատգամավոր, որոնցից 75-ը մեծամասնական համակարգով, 56-ը՝ կուսակցական ցուցակներով:

Ընտրություններին մասնակցեց 21 քաղաքական ուժ, որոնցից անցողիկ շեմը հաղթահարեց  6-ը՝ 

«Միասնություն» դաշինք` 41,69%
Հայաստանի Կոմունիստական կուսակցություն` 12,09% ,
«Իրավունք եւ միաբանություն» դաշինք` 7,96% ,
ՀՅԴ` 7,86%,
«Օրինաց երկիր» կուսակցություն` 5,28%
Ազգային Ժողովրդավարական միություն` 5,17%:

Խորհրդարանում ստեղծվեց ևս 3 պատգամավորական խումբ

«Կայունություն», 
«Հայաստան»,
«ժողովրդական պատգամավոր»:

Ընտրությունների արդյունքում խորհրդարանի նախագահ դարձավ Կարեն Դեմիրճյանը:

2003 թվական

Երրորդ գումարման Ազգային Ժողովի ընտրությունները տեղի են ունեցել 2003 թվականի մայիսի 25-ին:
Ընտրողների ընդհանուր թիվը՝  2 մլն 340 հազար 744, որոնցից ընտրություններին մասնակցել են 1 մլն 233 հազար  757-ը:

Ընտրությունների արդյունքում մանդատ ստացավ 131 պատգամավոր, որոնցից 56 ընտրվել են մեծամասնական համակարգով, 75-ը՝ համամասնական ցուցակներով։

Այս ընտրություններին մասնակցեց 21 քաղաքական ուժ, որոնցից անցողիկ շեմը հաղթահարեց 6-ը՝ 

Հայաստանի հանրապետական կուսակցություն՝  23,66 %, 23 պատգամավոր,
Օրինաց Երկիր՝ 12,60 %, 12 պատգամավոր, 
ՀՅԴ՝ 11,45 %, 11 պատգամավոր, 
«Արդարություն» խմբակցություն՝  13,71 %, 14 պատգամավոր,
«Ազգային միաբանություն» կուսակցություն՝  8,91 %, 9 պատգամավոր
Միավորված աշխատանքային կուսակցություն՝  5,67 %, 6 պատգամավոր:

Անկախ պատգամավորների կողմից ստեղծվեց նաև «Ժողովրդական պատգամավոր» պատգամավորական խումբը:
Խորհրդարանի նախագահ դարձավ Արթուր Բաղդասարյանը:

2007 թվական

Չորրորդ գումարման խորհրդարանի ընտրությունները տեղի են ունեցել 2007 թ. մայիսի 12-ին։ Ընտրությունների արդյունքում մանդատ ստացավ՝ 131 պատգամավոր, որից 41-ը մեծամասնական,  90-ը համամասնական ընտրակարգով։

Ընտրողների ընդհանուր թիվը՝  2 մլն 317 հազար 810, որոնցից ընտրություններին մասնակցել է  1 մլն 375 հազար 733-ը:

Ընտրություններին մասնակցել է  22 քաղաքական ուժ՝  21 կուսակցություն և 1 դաշինք:

Անցողիկ շեմը հաղթահարեց 5 քաղաքական ուժ՝ 
 
Հայաստանի Հանրապետական կուսակցություն՝ 32.8 %, 63 պատգամավոր, 
Բարգավաճ Հայաստան՝ 14.7 %, 26 պատգամավոր, 
ՀՅԴ՝ 12.7 %, 16 պատգամավոր,
Օրինած Երկիր՝  6.8 %, 8 պատգամավոր,
Ժառանգություն՝  5.8 %, 7 պատգամավոր:

Անկախ պատգամավորների թիվը՝  11:

2008 թվականի սեպտեմբերի 29-ին ԱԺ նախագահ դարձավ Հովիկ Աբրահամյանը, ով ընդմիջումներով պաշտոնավարեց մինչև 2014 թվականի ապրիլը:

2012 թվական

5-րդ գումարման Ազգային Ժողովի ընտրություններըը տեղի են  ունեցել 2012 թ. մայիսի 6-ին։
Ընտրությունների արդյունքում մանդատ ստացավ 131 պատգամավոր, որից 41-ը մեծամասնական և 90-ը համամասնական ընտրակարգով։

Ընտրողների ընդհանուր թիվը՝  2 մլն  523 հազար 101, որոնցից ընտրություններին մասնակցեց 1 մլն 573 հազար 53-ը:

Ընտրություններին մասնակցել է 9 քաղաքական ուժ՝  8 կուսակցություն և 1 դաշինք, որոնցից անցողիկ շեմը հաղթահարեց 6 ուժ՝

Հայաստանի հանրապետական կուսակցություն՝ 69 մանդատ
«Բարգավաճ Հայաստան» կուսակցություն՝ 37 մանդատ, 
«Հայ ազգային կոնգրես» կուսակցությունների դաշինք՝ 7 մանդատ, 
«Օրինաց Երկիր» կուսակցություն՝ 6 մանդատ,
ՀՅԴ՝ 5 մանդատ, 
«Ժառանգություն» կուսակցություն՝ 5 մանդատ:

2017 թվական 

6-րդ գումարման Ազգային Ժողովի ընտրությունները տեղի ունեցան 2017 թվականի ապրիլի 2-ին։ 2015 թվականի սահմանադրական բարեփոխումներից հետո այն խորհրդարանական առաջին ընտրությունն էր, որով Հայաստանն անցում կատարեց կառավարման խորհրդարանական համակարգին։

Ընտրություններին մասնակցեց 9 քաղաքական ուժ՝ 5 կուսակցություն և 4 դաշինք, որոնցից անցողիկ շեմը հավաքեց 4 ուժ, խորհրդարանական մանդատ ստացավ 105 պատգամավոր:

Հայաստանի հանրապետական կուսակցություն՝ 49,15 %, 58 մանդատ,
Ծառուկյան դաշինք՝ 27,35 %, 31 մանդատ,
ԵԼՔ դաշինք՝ 7,78 %, 9 մանդատ, 
ՀՅԴ՝ 6,58 %, 7 մանդատ:

Ընտրողների ընդհանուր թիվը՝ 2 մլն 588 հազար  590, որոնցից ընտրություններին մասնակցել է 1 մլն 575 հազար 382-ը:

2018 թվական

Դեկտեմբերի 9-ին Հայաստանի Հանրապետությունում տեղի ունեցան Աժ յոթերորդ գումարման արտահերթ ընտրությունները:
Ընտրություններին մասնակցելու իրավունք ուներ 2 մլն 592 հազար 479 անձ, որոնցից, ըստ նախնական տվյալների, քվեարկությանը մասնակցել է 1 մլն 261 հազար 660-ը:

Ընտրություններին մասնակցեց 11 քաղաքական ուժ՝ 9 կուսակցություն և 2 դաշինք, որոնցից խորհրդարան անցավ 3-ը:

«Իմ քայլը» դաշինք՝ 70.43 տոկոս,
«Բարգավաճ Հայաստան» կուսակցություն՝ 8.27 տոկոս,
«Լուսավոր Հայաստան» կուսակցություն՝  6.37 տոկոս:

Հայաստանի Հանրապետական կուսակցությունն ու Դաշնակցությունը չկարողացան հաղթահարել անհրաժեշտ 5 տոկոսի շեմը։

Նրանց օգտին քվեարկել են ընտրողների 4.70 և 3.89 տոկոսը։

Պատրաստեց Ակաթի Վահանյանը