Ինչպե՞ս է բնորոշում ժողովուրդը ընտրություններին մասնակցող քաղաքական թիմերին

Անկասկած մենք հասկանում ենք, որ սույն հոդվածի վերնագիրը շատ ամպագորգոռ է հնչում, քանզի ժողովուրդ ասածը խիստ հարաբերական է: Սակայն հաշվի առնելով այն, որ ամենուրեք և բոլորն այսօր խոսում են ժողովուրդի անունից, մենք էլ որոշեցինք մեր ժողովրդի կարծիքը ներկայացնել այս ընտրությունների վերաբերյալ:
Եվ այսպես, ըստ մեր տպավորության, ժողովորդը արդեն իր բնորոշումները տվել է հիմնական քաղաքական մասնակիցներին, որն էլ ամփոփելով ներկայացնում ենք ձեզ:
Եվ այսպես, ըստ մեր տպավորության, ժողովուրրդը հետևյալ պատկերացումներն ունի քաղաքական ուժերի նկատմամբ:

1. «Իմ քայլը» դաշինքի մասին. քաղաքականապես, «անչափահասների» թիմ է, բայց մեր Նիկոլին ձայն ենք տալու /մեր կողմից հարցվողների մեծ մասը/

2. ՀՀԿ-ի մասին. սրանք «ռևանշիստներ են», որ ուզում են կրկին վերականգնել հին բարքերը, սրանք են Նիկոլի հիմնական հակառակորդները /բայց հարցվողների փոքր մաս, ովքեր չեն սիրում Նիկոլին արդեն ունեն/

3. ԲՀԿ-ի մասին. Ծառուկյանի ժամանակն անցել ա, ի՞նչ գործ ունի քաղաքականության մեջ /մեր հարցվողների մեջ կողմնակիցներ չկային/

4. «Լուսավոր Հայաստան». «Ժելեոտած» մաեզերով տղաների ու աղջիկների թիմ, որոնք հեղափոխության վճռական պահին Նիկոլին քցեցին և որոնք ժողովրդի հետ որև է կապ չունեն /այստեղ էլ կողմնակիցներ չգտանք/

5. «Մենք» դաշինք. Մարած աբլիգացիաներ են /այստեղ միայն ժպիտ էր առաջացնում երբ նրանց մասին էինք հարցնում/

6. «Սասնա Ծռեր». սրանք վտանգավոր մարդիկ են /փոքր չափի կողմնակիցներ կային, բայց մեծ մասի մոտ վախ կար նրանց հանդեպ/

7. ՀՅԴ. սրանք ոչ թե «հին», այլ արդեն «հնամաշ» ընկերներ են, որոնք գործում են «որտեղ իշխանություն, այնտեղ կաց» սկսզբունքով /այս թիմի մասին խոսում են անցյալ կատարյալով/

8. ՕԵԿ-ի մասին վաղուց մոռացել են /կողմնակից նույնպես չգտանք/

9. Լևոն Շիրինյանի մասին ոչինչ չգիտեին /բնականաբար կողմնակից էլ չտեսանք/

10. Մյուս երկու կուսակցությունների ոչ անունը, ոչ էլ դեմքերին ոչ մենք, ոչ էլ բնականաբար մեր հարցման մարդիկ չգիտեին:

Այսպիսով, եթե ամփոփենք մեր ստացած պատկերացումները, որը հաստատ ճգրիտ լինել չի կարող, ապա կարող ենք հետևյալ եզրահանգման գալ. այս ընտրություններում հիմնական ընտրազանգվածներն ունենալու են հիմնականում երեք ուժ՝ «Իմ քայլը» դաշինքը, ՀՀԿ-ն և «Սասնա Ծռերը»: Սակայն հաշվի առնելով ընտրություններ անցկացնելու փորձը, 5 տոկոսանոց շեմը կարող է հաղթահարել նաև ԲՀԿ-ն:

Իսկ թե ինչ ցույց կտան պրոֆեսիոնալ հարցման արդյունքները, հավանաբար կիմանաք մոտ օրերին :
Անկախ ամեն ինչից, դեկտեմբերի 9-ը շատ հեռու չէ, և ընդամենը 20 օրից պարզ կլինի, թե ինչ է իրականում մտածում մեր հասարակությունը՝ իր ապագայի մասին:

Դավիթ Մկրտչյան