Ինչո՞ւ Դանիել Իոնիսյանը ՀՀԿ-ի ու ԲՀԿ-ի հետ միասին քննադատեց նաև Փաշինյանի իշխանությանը

Գաղտնիք չէ, որ Դանիել Իոնիսյանը նոր ընտրական օրենսգրքի վրա աշխատելով հաշվետու էր ոչ միայն իշխանությունների, քաղաքական ուժերի առջև,այլև` միջազգային կառույցների առջև: Մանավանդ որ նա այս աշխատանքները տանում էր` հայաստանյան Սորոսի հիմնադրամից աջակցություն ստանալով:

Հասկանալի է, որ նոր ընտրական օրենսգրքի ընդունումը, նաև հասարակական պահանջ էր: Սակայն Դանիելի ֆունկցիան երկփեղկված բնույթ ուներ: Նա միաժամանակ փորձում էր օբյեկտիվ դիրքերով հանդես գալ, իսկ մյուս կողմից չէր կարող չաջակցել իշխող թիմին: Հոկտեմբերի 2-ի հայտնի ճգնաժամի ժամանակ, երբ իշխանությունը բառացիորեն պարտադրեց մյուս ուժերին անցկացնել ընտրությունները դեկտեմբերին, Իոնիսյանի կողմից որև է բողոք չարձանագրվեց, թեև բոլորն էլ հասկանում էին, որ ամբոխի միջոցով ԱԺ- ին պարտադրումը, մեղմ ասած, հակասահմանադրական գործողություններ էին: Ավելին, մեկ այլ սորոսական Արթուր Սաքունցը բացահայտ ողջունում էր  իշխանության այս քայլը: Այս ամենը ցույց է տալիս մեկ բան, որ հայաստանյան Սորոսի հիմնադրամը դադարել է լինել անկողմնակալ կառույց և զբաղված է, արդեն բացահայտ, ոչ թե քաղաքացիական, այլ` քաղաքական գործնեությամբ, ինչը պետք է համապատասխան արձագանքին արժանանա: 

Եթե Ջորջ Սորոսի խնդիրը հենց սա է, ապա դա արդեն տխուր է, իսկ եթե այս ամենը տեղական կառույցի ինքնակամ գործողություններն են, ապա դրա արդյունքում համապատասխան արձագանքը չպետք է ուշանա:

Իսկ Իոնիսյանն իր այս դիրքորոշմամբ փորձում է օբյեկտիվություն խաղալ, սակայն արդեն ուշ է, և ինքն արդեն իր նախկին վարկանիշը կորցրել է, նրան մնում է ընդամենը Սաքունցի և տեղական Սորոսի հիմնադրամի ղեկավարի հետ, բացահայտ մասնակցել գալիք ընտրություններու` «Իմ քայլը» դաշինքում անցողիկ տեղ զբաղեցնելով:

Արտակ Հակոբյան