Ինչ՞ու է Սերժ Սարգսյանը ուզում աջակցություն ստանալ Ծառուկյանից՝ ապագա վարչապետության հարցում

Առաջին հայացքից նման հարցադրումը փոքր ինչ տարօրինակ է, քանզի ինչքան շատ աջակցողներ, այնքան լավ՝ գործող նախագահի համար:

Սակայն այս հարցում Սերժ Սարգսյանն ունի այլ հաշվարկներ ևս: Ֆորմալ տեսանկյունից նույնիսկ միայն ՀՀԿ-ի ձայները հերիք են, որ Սերժ Սարգսյանը ընտրվի վարչապետ: Այնպես որ, ոչ ՀՅԴ-ի, ոչ էլ «Ծառուկյան» դաշինքի ձայների հույսին չի մնացել գործող նախագահը: Սակայն Սերժ Սարգսյանին Ծառուկյանի աջակցությունը անհրաժեշտ է այլ տեսանկյունից: Բանն այն է, որ Կարեն Կարապետյանի ու նրա մոսկովյան աջակիցների գործոնին անհրաժեշտ է հակակշիռ, և այդ հակակշիռը կարող է լինել հենց Ծառուկյանը: Սակայն դրա դիմաց Սերժ Սարգսյանը պատրաստ չէ թանկ վճարել: Ոչ այն պատճառով, որ ժլատ է, այլ այն, որ Ծառուկյանի գործոնի ուժեղացումը նոր գլխացավանք կարող է առաջացնել գործող նախագահի մոտ: Անցած ընտրությունների ժամանակ էլեկտորալ ակտիվությունը ցույց տվեց, որ 2015-ը էապես չի նվազեցրել Ծառուկյանի վարկանիշը հանրության մեջ: Նա այսօր էլ մնում է ամենա վարկանիշային գործիչը  Հայաստանում, 2-րդ տեղում է գտնվում Կարեն Կարապետյանը, մինջդեռ Սերժ Սարգսյանի վարկանիշը վտանգավոր աստիճանի ցածր է: Այս հանգամանքը պառլամենտական կառավարման պայմաններում իր մեջ պարունակում է լրջագույն վտանգներ գործող նախագահի համար: Հենց այս հանգամանք էլ հաշվի առնելով Սերժ Սարգսյանի գլխավոր նպատակը դարձել է չեզոքացնել նրանց վտանգը: Առաջին խնդիրը նա լուծել է իրար մեջ առաջացնելով քողարկված թշնամանք: Սակայն դա քիչ է: Պետք է ազդել նրանց անմիջական վարկանիշների վրա, որի համար էլ մշակված են հստակ ծրագրեր: Իհարկե այդ ծրագրերը հրապարակավ գործող նախագահը չի հնչեցնում: Նա դա գերադասում է անել յուրային լրատվամիջոցների միջոցով, որտեղ առանցքային դերը դրված է 1in.am կայքի վրա:

Կարեն Կարապետյանի վերաբերյալ իր ստրատեգիայի մասին մենք կներկայացնենք մյուս անգամ: Իսկ այսօր կներկայացնենք, թե ինչ ծրագրեր կան Ծառուկյանի վերաբերյալ:

Սերժ Սարգսյանի ծրագրերը Ծառուկյանի վերաբերյալ

Սերժ Սարգսյանին անհրաժեշտ է, որ ապրիլին Ծառուկյանը իր թիմի հետ միասին աջակցի իրեն՝ վարչապետ դառնալու հարցում: Ճիշտ է, դա վճռական բնույթ չունի, սակայն ներիշխանական հարաբերությունների համար դա կարևոր է: Փոխարենը հավանաբար գործող նախագահը Ծառուկյանին կխոստանա աշնանը կոալիցիա: Եթե Ծառուկյանը համաձայնվում է, ապա վարչապետ դառնալուց անմիջապես հետո գործող նախագահը սկսում է աշխատեցնել Ծառուկյանի դեմ իր «գեբելսյան» քարոզչամեքենան՝ նրանց մեղադրելով «կեղծ ընդդիմություն» լինելու մեջ: Կոալիցիայի մասին խոսք անգամ չի լինի, որից հետո Ծառուկյանը կհայտնվի իր թիմի մոտ անհարմար վիճակի մեջ:

Սերժ Սարգսյանը Ծառուկյանի վերաբերյալ ունի minimum և maximum ծրագրեր:

Minimum ծրագիր

Մինջև հաջորդ 2022-ի ընտրություններ «մաշեցնել» Ծառուկյանին, որպեսզի վերջինս այդ ընտրություններին հասնի «կեղծ» ընդդիմության պիտակով և հավակնի ձայների ոչ ավել քան 7-8 տոկոսին: Այսինքն, ունենա այսօրվա «Ելք» -ի կարգավիճակը:

Maximum ծրագիր

Հասնել նրան, որ Ծառուկյանը այլևս հավակնություն չունենա զբաղվել քաղաքականությամբ ընդհանրապես, իսկ նրա թիմը ցրել տարբեր խմբավորումների մեջ:

Սերժ Սարգսյանը շատ լավ հասկանում է, որ Ծառուկյանի 35-40 տոկոսանոց վարկանիշը իր համար մահացու վտանգ է պարունակում: Հատկապես, երբ իր՝ գործող նախագահի վարկանիշը նույն սանդղակում չի գերազանցում 3-4 տոկոսի տիրույթը: Իսկ իր հակավարկանիշը ամենաբարձրն է երկրում, մոտ 13-14 տոկոսի սայմաններում է: Պառլամենտական կառավարման պարագայում այս քաղաքական «ռումբը» կարող է պայթել ցանկացած պահի, և այդ իմաստով նույնիսկ Ծառուկյանի ներկայիս գոյությունը արդեն վտանգավոր է գործող նախագահի համար:

Հակոբ Կարապետյան