Ռուս Ուղղափառ եկեղեցին իր աջակցությունն է հայտնել Հայ Առաքելական եկեղեցուն

Ռուս-հայակական միջազգային Լազարևյան ակումբի խորհրդի համակարգող և Ռուսաստանի Պետական ​​դումայի պատգամավոր Կոնստանտին Զատուլինը պաշտոնական նամակ է ստացել Մոսկվայի պատրիարքարանի արտաքին եկեղեցական հարաբերությունների վարչության նախագահ, Վոլոկոլամսկի մետրոպոլիտ Անտոնիից: Նամակն ուղարկվել է ի պատասխան Կոնստանտին Զատուլինի նամակի՝ Լազարևյան ակումբի խորհրդի «Ու՞ր եք գնում. 2026 թվականի օգոստոսի 7-ին Սոչիում  տեղի ունեցած Լազարևյան ակումբի խորհրդի ընդլայնված նիստի արդյունքներով»: Նամակում խնդրանք էր ներկայացվել Լազարևյան ակումբի կոչի բովանդակությամբ կիսվել Մոսկվայի և Համայն Ռուսիո Սրբազան Պատրիարք Կիրիլի հետ։

Հրապարակում ենք Մոսկվայի պատրիարքարանի արտաքին եկեղեցական հարաբերությունների վարչության նախագահ, Վոլոկոլամսկի մետրոպոլիտ Անտոնիի պատասխանը, որում ասվում է.
«Ռուս ուղղափառ եկեղեցին ուշադիր հետևում է Հայաստանում եկեղեցի-պետություն հարաբերությունների զարգացմանը: Մոսկվայի պատրիարքարանի ներկայացուցիչները բազմիցս աջակցություն են հայտնել Հայ առաքելական եկեղեցուն՝ հաշվի առնելով նրա վրա ներկայումս գործադրվող ճնշումները և երկրի իշխանությունների կողմից եկեղեցական գործերին ակնհայտ միջամտությունը։ Մենք հույս ունենք, որ այդ ճգնաժամային իրավիճակը և Հայաստանի Հանրապետությունում պետական-դավանական հարաբերությունները արագ կկարգավորվեն»։

Աղբյուրը` Panorama.am