Շիո միտրոպոլիտն ընտրվեց Համայն Վրաստանի 142-րդ կաթողիկոս-պատրիարք

Վրաց ուղղափառ եկեղեցու ընդլայնված ժողովում մետրոպոլիտ Շիոն (Մուջիրի) ընտրվեց Համայն Վրաստանի նոր՝ 142-րդ կաթողիկոս-պատրիարք։ Լուրը հաղորդում է «Սպուտնիկ Գրուզիան»։

Ապրիլի 28-ին Վրաց ուղղափառ եկեղեցու Սուրբ սինոդը ընտրեց պատրիարքական գահի երեք թեկնածու՝ պատրիարքական գահի տեղապահ, Սենակիի և Չխորոցկու մետրոպոլիտ Շիոյին, Ռուիս-Ուրբնիսի մետրոպոլիտ Հոբիին և Փոթիի և Խոբի մետրոպոլիտ Գրիգոլիին։

Շիո միտրոպոլիտի օգտին քվեարկեց քսաներկու եպիսկոպոս. Ռուիս-Ուրբնիսի մետրոպոլիտ Հոբը ստացավ ինը ձայն, իսկ Փոթիի և Խոբի մետրոպոլիտ Գրիգոլը՝ յոթ։

Սուրբ սինոդի բոլոր անդամները՝ 39 եպիսկոպոս, մասնակցեցին ընդլայնված ժողովին։ 47 թեմերից յուրաքանչյուրը ներկայացված էր երեք պատվիրակով՝ երկու հոգևորական և մեկ աշխարհիկ։ Միայն Մցխեթա-Թբիլիսիի թեմն ուներ ավելի շատ ներկայացուցիչ, քան մյուս բոլոր թեմերը՝ միասին վերցրած։

Երկուշաբթի առավոտյան Սամեբա տաճարում հավաքվել էր երկրի տարբեր ծայրերից մոտ 1200 պատվիրակ։ Սամեբա տաճար մուտք գործելու համար անհրաժեշտ էին հատուկ անցագրեր, բայց ցանկացողները կարող էին գտնվել բակում։

Պատվիրակների գրանցումը սկսվել է ժամը 10:00-ին և տևել մինչև 12:00-ն, որից հետո սկսվել է քվեարկությունը։

Սկիզբը և արդյունքների հրապարակումը հեռարձակվել են ուղիղ եթերով, մինչդեռ ձայների հաշվարկը փակ է եղել մամուլի համար։

Ամենայն Վրաստանի կաթողիկոս-պատրիարք Շիո III-ի գահակալության արարողությունը տեղի կունենա վաղը Սվետիցխովելի տաճարում և կսկսվի ժամը 10:00-ին։

Ամենայն Վրաստանի կաթողիկոս-պատրիարք Իլիա II-ը մահացել է մարտի 17-ին՝ 93 տարեկան հասակում։ Մահվան պատճառը երիկամային, թոքային և սրտի անբավարարությունն էր։ Նրա պատրիարքությունը ամենաերկարն էր Վրաց ուղղափառ եկեղեցու պատմության մեջ։