Մենք մեր մշակույթով ենք հաղթելու. Պարի միջազգային օրն է (տեսանյութ, ֆոտո)

Ապրիլի 29-ը «Պարի միջազգային օրն» է: Այդ կապակցությամբ, հիրավի, տպավորիչ ու խորհրդանշական նախաձեռնությամբ են հանդես եկել Երևանի թատրոնի և կինոյի պետական ինստիտուտի խորեոգրաֆիայի ամբիոնի դասախոս, «Հայկյաններ» համույթի հիմնադիր Արթուր Հարությունյանն ու իր ընկերները, համախոհները: Նախորդ տարի կազմակերպվել էր հայկական պարերի մասշտաբային ցուցադրություն Երևանի «Կասկադ» համալիրում: Իսկ այս անգամ շատ ավելի ընդգրկուն է դարձել նախաձեռնության աշխարհագրությունը, գործնականում ընդգրկելով ամբողջ աշխարհը, ավելի ճիշտ՝ աշխարհով մեկ սփռված հայությանը: 

Լրագրող Նարինե Կիրակոսյանը զրուցել է այս տպավորիչ նախաձեռնության հեղինակի՝ Երևանի թատրոնի և կինոյի պետական ինստիտուտի խորեոգրաֆիայի ամբիոնի դասախոս, «Հայկյաններ» համույթի հիմնադիր Արթուր Հարությունյանի հետ:
Լրագրողն իր «Յութուբի» էջում զետեղել է զրույցի տեսանյութը, նաև նշել. «Աշխարհի տարբեր երկրներում բնակվող հայերը երեք հայկական պար են կատարել ու տեսանկարահանել՝ ի ցույց համայն հայության ազգային հավաքական կերպարի։

Եվ, բնականաբա՛ր, պարում են Երևանում, Մայր Հայաստան կոթողի մոտ, ինչն առավել քան խորհրդանշական է և խորիմաստ»:

--
«Պարի միջազգային օրվա» վերաբերյալ
--