Գերմանիայում արձանագրվեց հերթական սենսացիան. «Այընտրանք՝ Գերմանիայի համար» աջ ուժն ստացավ պատմականորեն շատ ձայներ. Ի՞նչ է սպասվում այդ երկին

Այն կանխատեսումը, թե գերմանական ընտրություններում արձանագրվելու էր հերթական սենսացիան, իրականություն դարձավ: Իշխող սոցիալ-դեմոկրատական կուսակցությունը խայտառակ պարտություն կրեց՝ հավաքելով ձայների ընդամենը  16.4 %-ը:

Առաջին տեղում հայտնվեցին աջերը՝ Քրիստոնեա-դեմոկրատական ​​միության (ՔԴՄ) և Քրիստոնեա-սոցիալական միության (ՔՍՄ) պահպանողական դաշինքը՝ ստանալով ձայների 28.5 %-ը, երկրորդ տեղում հայտնվեց աջ «Այլընտրանք՝ Գերմանիայի համար»-ը, որին հաջողվեց հավաքել 20.8 %:

Սոցիալ-դեմոկրատների դաշնակից «կանաչները» նույնպես վատ արդյունք ցույց տվեցին՝ հավաքելով ձայների ընդամենը 11.6 %-ը:

Ինչ վերաբերվում է լիբերալ-դեմոկրատներին և ձախ Սարա Վագենկնեխտի  միությանը, ապա նրանք չկարողացան հաղթահարել 5%-անոց շեմը:

Լիբերալ-դեմոկրատները հավաքել էին ընդամենը 4.3 %, իսկ Սարայի կուսակցությանը չբավականացրեց ընդամենը չնչին միավորներ, որպեսզի  կարողանար անցնել պառլամենտ: Նրա կուսակցությունը հավաքեց 4.9 %:

Հետաքրքիր դետալ, որ արժեր ուշադրության դարձնել:

Մինչ ընտրությունները, գրեթե բոլոր հարցումները ցույց էին տալիս մոտավոր արդյունքները, սակայն որոշ շեղումներով:

Ասենք, քրիստոնեա-դեմոկրատներին տրվում էր 29 %, «Ալտերնատիվային»՝ 19 %, «Կանաչներին»՝ մոտ 14 %, Լիբերալներին ավելի շատ, քան Սարայի կուսակցությանը:

Իհարկե արդյունքները մոտ էին, սակայն դա ցույց է տալիս, որ մինչ ընտրությունների հարցումները միշտ ի օգուտ «գլոբալիստների էին»  լինում:

Ի դեպ նույն պատկերը մենք տեսնում էինք նաև անցած ԱՄՆ-ի ընտրությունների ժամանակ, երբ, գրեթե բոլոր հարցումները ցույց եին, տալիս, թե իբր Թրամփի և Հարիսի ցուցանիշները շատ մոտ էին իրար: Եվ միայն արդյունքները ցույց տվեցին, թե ինչ աստիճանի էին մանիպուլացնում այդ արդյունքները:

Հետաքրքիր ևս մի քանի փաստ կարելի է արձանագրել:

Անցած գերմանական ընտրությունները ցույց տվեցին, որ այդ երկրիը բաժանված է ոչ միայն քաղաքականապես, այլև՝ տարածքային իմաստով:

Օրինակ, «Ալտերնատիվան»  հաղթել է Արևելյան Գերմանիայի բոլոր մարզերում: Այս քաղաքական ուժի վարկանիշային աճը երկրաչափական պրոգրեսիայով է և գրեթե բոլորը կանխատեսում են, որ հաջորդ ընտրություններում, «Ալտերնատիվան»  լինելու է առաջինը:

Փորձենք հասկանալ, թե ինչու է այդպես ստացվելու:

Բանն այն է, որ թեև այս ընտրություններում առաջին տեղը զբաղեցրեցին Քրիստոնեա-դեմոկրատական ​​միության (ՔԴՄ) և Քրիստոնեա-սոցիալական միության (ՔՍՄ) պահպանողական դաշինքը, սակայն նա չի կարողանալու կառավարություն կազմել՝ առանց դաշնակցի:

Նա չի կարողանա կոալիցիա կազմել «Կանաչների»  հետ, քանի որ գաղափարապես անհամատեղելի են իրար: Չի կարողանա կազմել կոալիցիա այն նոր ձախ ուժի հետ, որի հետ նույնպես գաղափարական անհամատեղելիություն կա:

Արդեն հայտարարել են, որ չեն համագործակցի «Ալտերնատիվայի»  հետ, իսկ դա նշանակում է, որ միակ տարբերակը մնում է կոալիցիա կազմել արդեն պարտված և վարկաբեկված սոցիալ-դեմոկրատների հետ:

Վերջինս, ի դեպ, հավաքելով ձայների 16.4 %-ը, արձանագրել է սենսացիա: Քանզի սոցիալ-դեմոկրատները այսչափ ցածր տոկոս չէին արձանագրել, սկսած …1933 թվականից:

Իսկ դա նշանակում է, որ եթե քրիստոնյաները որոշեն կոալիցիա կազմել վարկաբերկած սոցիալ-դեմոկրատների հետ, ի վերջո  բացասական վարկանիշով կվարակվեն և գերմանական հանրությունը վերջնականապես կհիասթափվի այդ երկու գլխավոր ուժերից, հետագայում,  ճանապարհ բացելով «Ալտերնատիվայի» համար:

Իդեպ այս նույն ուղիով զարգացան  հարևան Ավստրիայի քաղաքական գործընթացները, որոնց արդյունքում այդ երկրում ամենամեծ հեղինակությունն ունի այսօր այդ երկրի իշխող ուժ «Ավստրիայի Ազատության կուսակցությունը», որն իր արմատներով, մոտ է գերմանական «Ալտերնատիվային»:

Այնպես որ, գերմանական այս ընտրությունների սենսացիոն ցուցանիշները վերջինը չեն լինելու, քանի որ այդ երկրի հանրության պատկերացումների առողջացման գործնթացն արդեն սկսվել է:

Սա է իրականությունը:

Արտակ Հակոբյան
Zham.am