Ինչու է աջ ղեկը բերում ձախ պետության կայացմանը

Ինչպես հայտնի է կառավարությունը որոշում է կայացրել այս տարվա ապրիլի 1-ից արգելել աջ ղեկով մեքենաների ներմուծումն ու շահագործումը Հայաստանում: Հիմնավորումը նույնպես հայտնի է,այս մեքենաներով ավտովթարների աննախադեպ շատ, մոտ 28 տոկոս աճ է արձանագրվել անցյալ տարի: Թվում է հիմնավորումը անթերի է, մանավանդ, որ մինջև ապրիլի 1-ը ներմուծված աջ ղեկով մեքենաներին ոչինչ չի սպառնում, նրանց տերերը իրենց կարող են հանգիստ զգալ:

Այդ դեպքում ինչ՞ու են բողոքում կառավարության շենքի դիմաց մարդիկ այս որոշման դեմ մարդիկ, կհարցնի շարքային ընթերցողը: Մանավանդ, որ կառավարությունը նախապես է զգուշացնում իր ապագա անելիքների մասին:

Խնդիրը կայանում է նրանում, որ աջ ղեկով մեքենաների ավելացումը երկրում կայացավ… հենց կառավարության որոշմամբ, երբ աջ ղեկով մեքենաները սկսվեցին ավելի քիչ գումարով մաքսազերծվել, քան ձախ ղեկով մեքենաները: Ինչ է այդ ժամանակ կառավարությունը չ՞էր գիտակցում, որ իր այս որոշմանբ աջ ղեկով մեքենաները երկրում կշատանան, թե չ՞եր գիտակցում, որ դրա արդյունքում նման մեքենաներով պատահարները կշատանան:

Այստեղ հնարավոր է երկու վարկած,կամ ինչ որ մի խմբի կառավարությունը լավություն է արել, իջեցնելով աջ ղեկով մեքենաների մաքսատուրքը, կամ եթե նման բան չկա, ապա կառավարությունում աշխատում են անպատասխանատու և անբարեխիղչ մարդիկ; որոնց համար մեր քաղաքացիները ճագարների դեր են կատարում և որոնց վրա կարելի է էքսպերիմենտներ կատարել:

Բայց այս ամենի գլխավոր մեղավորը մենք ենք, որ հանդուրժում ենք այս իշխանություններին: Քանզի մեզ շրջապատող երկրներից , ոչ մի ժողովուրդ թույլ չեր տա, որ պետությունը այսպես վարվեր իր սեփական քաղաքացիների հետ:

Իսկ միգուցե մենք պատրաստ չ՞եինք սեփական պետություն ունենալուն, քանզի անկախացումից հետո երկրի բնակչության կեսից ավելին փախել է Հայաստանից: Սրանք լոք հռետորական հարցադրումներ չեն, սրանք փաստեր են , որոնք վկայում են, որ վտանգված է երկրի ապագան, քանզի երկրի ղեկը մենք ակամայից հանձնել ենք պատահական մարդկանց և այն չենք կարողանում հետ վերձնել, սա է իրականությունը:

Հակոբ Կարապետյան