Ադրբեջանին Թուրքիայի և Պակիստանի ռազմական օգնությունների ծրագրերը խիստ մտահոգիչ են Հայաստանի համար

Ինչպես հայտնի է, այս տարվա փետրվարին Ադրբեջանն ու Պակիստանը կնքեցին համաձայնագիր, ըստ որի՝ մինչև 2027 թվականն Ադրբեջանն այդ երկրից կստանա 24 JF-17C կործանիչներ:

Գործարքի ողջ գումարը կկազմի 1,6 մլրդ դոլար:

Պարզվում է նաև, որ JF-17C կործանիչները կլինեն  մշակման բլոկ 3 տարբերակով (բլոկ 3), որոնք պատվիրվել են Ադրբեջանի կողմից՝ ելնելով իր ռազմաօդային ուժերի շահերից, կստանան ավիացիոն հրթիռներ և մասամբ՝ թուրքական արտադրության ավիոնիկա:

Այս մասին X սոցիալական ցանցի իր էջում հայտնում է թուրքական Century ամսագիրը։

Ըստ հրապարակման՝ ադրբեջանական JF-17-ները զինված են լինելու Bozdoğan եւ Gökdoğan «օդ-օդ» հրթիռներով։

«Բոզդողանը» փոքր հեռահարության օդային հրթիռ է, որն ունի ինֆրակարմիր տանող գլխիկ (GOS) և բարձր պայթյունավտանգ բեկորային մարտագլխիկ (CH): Նրա երկարությունը մոտ 3 մետր է, իսկ քաշը՝ 140 կգ։ Զինամթերքը հագեցած է պինդ հրթիռային շարժիչով (SFRM) և ունակ է զարգացնել 4 մախ առավելագույն արագություն՝ 25 կմ խոցման հեռահարությամբ։

«Գյոկդոգանը» միջին հեռահարության «օդ-օդ» հրթիռ է՝ ակտիվ ռադար փնտրողով և 20-25 կգ քաշով հզոր պայթուցիկ մարտագլխիկով։ Այս զինամթերքն ունի 3,7 մետր երկարություն և, ինչպես Bozdogan-ը, հագեցած է տուրբոռեակտիվ շարժիչով։

Army Recognition պորտալի տվյալներով՝ Գյոկդոգանի հեռահարությունը մինչև 65 կմ է, այլ աղբյուրների տվյալներով՝ ավելի քան 100 կմ։ Ավելին, զինամթերքն ունակ է 4 մախից բարձր արագություն զարգացնել։ Անկարան «Բոզդողան» և «Գյոքդողան» հրթիռները շահագործման է ընդունել 2024 թվականի հուլիսին։

Ադրբեջանական JF-17-ի սարքավորումները ցուցադրող գծապատկերում, որն ուղեկցել է ամսագրի հրապարակումը X սոցիալական ցանցում, նշված է նաև այս կործանիչների զինման հնարավորությունը Tubitak-ի մշակած օդ-երկիր զինատեսակներով՝ չնշելով դրանց հատուկ տեսակները և անունները.

Բացի այդ, հրապարակմանը կից գծապատկերում և առանձին լուսանկարում նշվում է թուրքական Aselsan ընկերության կողմից արտադրված Aselpod թիրախային նշանակման կոնտեյներներով Ադրբեջանի ռազմաօդային ուժերի JF-17-ը համալրելու հնարավորությունը։ Սարքը նախատեսված է նաև հետախուզության և հսկողության համար։ Դատելով թուրքական այդ  սխեմայից՝ ադրբեջանական JF-17C «բլոկ 3»-ը կունենա արտաքին զենքի առնվազն ինը  կոշտ կետ:

Ըստ այս պարբերականի, Ադրբեջանն այս գործարքի միջոցով կստանա գերժամանակակից կործանիչներ և հաջողությամբ կկարողանա լուծել ռազմի դաշտում իր խնդիրները:

Հ.Գ.

Մնում է հասկանալ, թե Հայաստանում մնացե՞լ է արդյոք մեղսունակ քաղաքական վերնախավ, որը   գետնի վրա գիտակցում է թե ինչ սպառնալիքների առջև է կանգնած Հայաստանը:
Zham.am